شىمكەنتتە 32 مىڭ وتباسىنا «رامازان قورجىنى» تاراتىلدى

شىمكەنت قالاسى اكىمدىگى مەن ورتالىق مەشىت جاماعاتى قولعا العان يگى ءىس اياسىندا 32000 وتباسىنا «رامازان قورجىنى» تاراتىلدى. كۇن سايىن ەستافەتا تۇرىندە جالعاسقان ءىس- شارا اياسىندا مۇقتاج وتباسىلارعا اۋىزاشار ورنىنا ازىق- تۇلىك سالىنعان سەبەتتەر بەرىلدى.
ونىڭ ىشىندە كۇرىش، قانت، وسىمدىك مايى، شاي، ۇن، ماكورون، تاتتىلەر، قۇرما جانە باسقا تاۋار تۇرلەرى بار. «قالا كاسىپكەرلەرى مەن قالا اكىمدىگىنىك قولداۋىمەن كوپتەگەن يگى ىستەر جۇزەگە استى. «رامازان قورجىنى»، «رامازان ءتاتتىسى»، «اۋىزاشار سەبەتى» ءىس- شارالارى ۇيىمداستىرىلدى. ودان بولەك، ءبىر وتباسىنا پاتەر سىيلادىق. 50000 استام تۇرعىنعا اۋىزاشار بەرىلدى. سونداي- اق، «بالىق بەرمە، قارماق بەر» قاعيداسى نەگىزىندە ءبىر كەلىنشەككە تىگىن ماشيناسىن الىپ بەردىك. ول كاسىپ اشىپ، تابىس تابۋدى جوسپارلاپ وتىر»، - دەيدى شىمكەنت قالالىق ورتالىق مەشىتتىڭ نايب يمامى مۇحاممەدجان ەستەمىروۆ.