11:25, 15 - اقپان 2022 | GMT +5
ەلىمىزدە اۋا رايىنىڭ قولايسىزدىعىنا بايلانىستى 32 جول بولىگى جابىلدى
نۇر-سۇلتان. قازاقپارات - ەلىمىزدە كۇن رايىنىڭ قولايسىزدىعىنا بايلانىستى جولداردىڭ جۇزدەگەن شاقىرىمدارى جابىق بولىپ قالۋدا.
جابىلعان 32 كۇرە جولدىڭ ەكەۋى - ەلوردادان قاراعاندى جانە اتباسار قالالارى باعىتىندا. بۇل تۋرالى قازاقپارات الماتى تراگەدياسى Telegram كانالىنا سىلتەمە جاساپ حابارلايدى.
قاراعاندى قالاسىنان ءتورت باعىتتاعى جولدار جابىلعان. سونداي-اق، قار، بۇرقاسىن جانە جولدىڭ ناشار كورىنۋىنە بايلانىستى سولتۇستىك قازاقستان جانە شىعىس قازاقستان وبلىستارىندا كولىك قوزعالىسى شەكتەلگەن. جامبىل وبلىسىندا تاراز مەن شىمكەنت اراسىنداعى جول كولىكتىڭ بارلىق ءتۇرى ءۇشىن جابىلدى.
اۆتور: زارينا تۋعانبايەۆا
