الماتىدا تارتىپسىزدىكتەر كەزىندە 32 جەدەل جاردەم كولىگى ءبۇلىندى
الماتى. قازاقپارات - الماتىدا جاپپاي تارتىپسىزدىكتەر كەزىندە 32 جەدەل جاردەم كولىگى بۇلىنگەن، 4 كولىك جارامسىز بولىپ قالعان، دەپ حابارلايدى قازاقپارات ءتىلشىسى.
قالا تىرشىلىگىن قامتاماسىز ەتۋ شتابىنىڭ مالىمەتىنشە، جەدەل جاردەم قىزمەتى تارتىپسىزدىكتەرگە بايلانىستى شاقىرتۋلاردان بولەك، بارلىق شۇعىل وتىنىشتەرگە ۋاقىتىلى قىزمەت كورسەتتى.
«ج م ج س قىزمەتكەرلەرىنە 12 شابۋىل جاسالدى، ج م ج س 5 قىزمەتكەرى (2 جۇرگىزۋشى جانە 3 فەلدشەر) جاراقات الدى. جاپپاي تارتىپسىزدىك كەزىندە 32 جەدەل جاردەم اۆتوكولىگى (فارالار سىنعان، شاناعى، اينەگى زاقىمدانعان جانە ت. ب. )، جارامسىز كۇيدەگى 4 اۆتوكولىك، ءمايىتتى تاسىمالداۋ جانە ميتينگكە جەتكىزۋ ماقساتىندا 3 كولىك تاركىلەنىپ، كەيىن كولىكتەر قايتا قايتارىلدى»، - دەپ حابارلادى قالالىق شتابتان.
ەسكە سالايىق، الماتىدا جاعدايدىڭ ۋشىعۋىنا بايلانىستى 19-قاڭتارعا دەيىن توتەنشە جاعداي رەجيمى ەنگىزىلگەن بولاتىن. قالادا ءتارتىپ ورناتۋ ءۇشىن لاڭكەستىككە قارسى ارنايى وپەراتسيا ءجۇرىپ جاتىر.
