07:43, 02 - قىركۇيەك 2021 | GMT +6
الماتىدا ەسىرتكى ساتۋمەن اينالىسقان 32 جاستاعى ايەل ۇستالدى
الماتى. قازاقپارات - الماتىدا ەسىرتكى ساتۋمەن اينالىسقان 32 جاستاعى ايەل ۇستالدى، دەپ حابارلايدى قازاقپارات.
الماتى قالالىق پوليتسيا دەپارتامەنتىنىڭ مالىمەتىنشە، كۇدىكتىنى «بۋران-183» پاترۋلدىك ەكيپاجى سەيفۋللين مەن رايىمبەك داڭعىلىنىڭ قيىلىسىندا ۇستادى.
«1989 -جىلى تۋعان ا. ەسىمدى ايەلدىڭ ءىس- ارەكەتى ينسپەكتورلارعا كۇدىكتى بولىپ كورىندى، ول پاترۋل كولىگىن كورە سالىسىمەن قاشا جونەلگەن. سەبەبىن انىقتاۋ ءۇشىن ءتارتىپ ساقشىلارى ونى ۇستادى. انىقتالعانداي، ايەل قىلمىستىق ساۋدامەن اينالىسقان جانە ۇستالماس بۇرىن كليەنتپەن الدىن الا كەلىسىلگەن جەرگە ەسىرتكىنىڭ ءتورت بۋماسىن قويىپ ۇلگەرگەن. سونىمەن قاتار، تەكسەرۋ كەزىندە تاعى 10 بۋما تابىلدى»، - دەدى جەتىسۋ اۋداندىق پوليسيا باسقارماسىنىڭ باستىعى دارحان مۇسانوۆ.
بۇل فاكتى بويىنشا سوتقا دەيىنگى تەرگەۋ باستالدى.