وزبەك عالىمدارى كوروناۆيرۋستىڭ 32 گەنومىن اشتى
بۇل تۋرالى «قازاقپارات» ح ا ا وزبەكستاننىڭ عىلىم اكادەمياسىنىڭ باسپا ءسوز قىزمەتىنە سىلتەمە جاساي وتىرىپ حابارلايدى.
عالىمدار مۇنداي قورىتىندىعا ۆيرۋستىڭ باستاپقى بەلگىلەرى راستالعان 62 ادامنىڭ سىناماسىن تەكسەرۋ ارقىلى كەلگەن. رەسمي اقپاراتتا ولاردىڭ ءبارى تاشكەنت وبلىستىق سانيتارلىق- ەپيدەميولوگيالىق قاداعالاۋ جانە قوعامدىق دەنساۋلىق ساقتاۋ باسقارماسى مەن Biogen Med جەكە كلينيكاسىنىڭ وكىلدەرى ەكەنى ايتىلعان. سىناما الىنعان 62 ادامنىڭ 32 سى دنق تىزبەگىن زاماناۋي سەكۆەناتوردىڭ كومەگىمەن وقۋ ارقىلى تالداۋدان وتكەن.
«عالىمدار ءبىرقاتار بيوينفورماتيكا تالداۋ ارقىلى وزبەكستاندا تارالعان ۆيرۋستىڭ نۇسقالارىن وسى ۋاقىتقا دەيىن وقىلعان كوروناۆيرۋس دەكەر قورىنداعى گەنومدارمەن سالىستىردى. ناتيجەسىندە وزبەكستاندا COVID-19-نىڭ 18 نۇسقاسى انىقتالدى. وسىعان بايلانىستى وزبەكستان ءوز اۋماعىندا كوروناۆيرۋس د ن ق- سىنىڭ بارلىق نۇسقاسى اشىلعان 50 ەلدىڭ قاتارىنا كىردى»، - دەپ جازادى ورتالىق ماماندارى.
عىلىمي ورتالىق وكىلدەرى انىقتالعان اقپارات ەلدە كەزدەسەتىن COVID شتامدارىنا قارسى ۇلتتىق ۆاكتسينانى ودان ءارى دامىتۋ ءۇشىن ماڭىزدى دەپ وتىر.
ەسكە سالا كەتسەك، قازاقستان كوروناۆيرۋس گەنومىن زەرتتەۋدى بىلتىر مامىر ايىندا قولعا العان ەدى.
اۆتور: ەسىمجان ناقتىباي
