الماتىدا 32 ادامنان وتە جىلدام تارايتىن كوروناۆيرۋستىڭ «بريتاندىق شتامى» انىقتالدى

الماتى. قازاقپارات - الماتى اكىمى باقىتجان ساعىنتايەۆ وڭىرلىك كوممۋنيكاتسيالار قىزمەتىندە وتكەن ونلاين بريفينگتە نەشە ادامنان «بريتاندىق شتامم» انىقتالعانىن ايتتى، دەپ حابارلايدى قازاقپارات ءتىلشىسى.

«قالاداعى ۇزدىك زەرتحانالاردىڭ بىرىمەن كەلىسىپ بريتاندىق شتامدى تابۋ ءۇشىن زەرتتەۋ جۇرگىزىپ جاتىرمىز. ونىڭ رەاكتيۆى باسقاشا بولادى، كۇندەلىكتى پ ت ر-گە الىپ جۇرگەن رەاكتيۆ ەمەس. ارنايى سول شتامدى تابۋعا ارنالعان. ول بويىنشا 40 رەاكتيۆ اكەلىندى، سونىڭ 32 سى نەمەسە %78 دە بريتاندىق شتامم كورسەتىلدى»، - دەدى قالا اكىمى.

سونداي-اق ول قالاداعى اگرارلىق ۋنيۆەرسيتەتتىڭ زەرتحاناسىندا دا تەكسەرىس جۇرگىزىلىپ جاتقانىن جەتكىزدى.

«ولار دۇنيەجۇزىلىك دەنساۋلىق ساقتاۋ ۇيىمى گرانتى بويىنشا جۇمىس ىستەپ جاتىر. ونداعى عالىمدار جۇزدەن اسا زەرتتەمەنىڭ ىشىنەن 56 پايىز جاڭا شتامدى انىقتاعان. ولار مۇنداي تەكسەرىستى كۇندە جۇرگىزبەيدى، ءبىر رەتتىك زەرتتەمەمەن بىزدە جاڭا شتامنىڭ بار-جوعىن انىقتايدى. دەنساۋلىق ساقتاۋ ءمينيسترىنىڭ مالىمەتىنشە جاڭا شتامدار ەلىمىزدىڭ 13 وڭىرىندە انىقتالعان»، - دەدى ول.

باقىتجان ساعىنتايەۆ بۇل ەكى شتامنىڭ جۇقتىرۋ دەڭگەيى وتە جوعارى ەكەنىن ەسكە سالدى.

اۆتور: الما مۇقانوۆا