تۇركىستان قالاسى 32 سەكتورعا ءبولىندى
ءىس-شارانىڭ ورىندالۋىن قاتاڭ باقىلاۋعا الىپ، جۇمىستى تۇراقتى تۇردە جالعاستىرۋدى تاپسىردى، دەپ حابارلايدى قازاقپارات.
تۇركىستان وبلىسى اكىمدىگى باسپا ءسوز قىزمەتىنىڭ مالىمەتىنە سەنسەك، قالاداعى كوگالداندىرۋ جۇمىستارىمەن تانىسقان وبلىس باسشىسى ورداباسى، تۇلكىباس، تولەبي جانە شاردارا اۋداندارىنا بەكىتىلگەن سەكتورلاردى ارالاعان.
كوركەيتۋ جانە اباتتاندىرۋ ماقساتىندا قالا 32 سەكتورعا بولىنگەن. ءار سەكتورعا اۋدان-قالا اكىمدىكتەرى مەن باسقارما باسشىلارى تىكەلەي جاۋاپتى.
قالانى كوركەيتۋ ءبىر ۇلگىدە جۇزەگە اسۋدا. قالا اۋماعىندا ۆەلوجولدار توسەلىپ، گازون شوپتەرى سەبىلۋدە. كوشەلەردە جارىق شامدار، قوقىس جاشىكتەرى مەن تۇرعىنداردىڭ دەمالۋىنا ارنالعان ورىندىقتار ورناتىلعان.
كەشەندى جۇمىس بارىسىن باقىلاعان وبلىس اكىمى جاۋاپتىلارعا ءبىرقاتار تاپسىرمالار بەردى. ايماق باسشىسى ساپاعا ءمان بەرىپ، جاسىل جەلەكتى سۋارۋدى جەتىلدىرۋدى مىندەتتەدى. تۇركىستان شاھارىن كوركەيتۋ، ەكولوگيالىق جاعدايدى جاقسارتۋ ءۇشىن قارقىندى جۇمىس ءجۇرىپ جاتقانى بەلگىلى.
ءومىرزاق شوكەيەۆتىڭ تاپسىرماسىنا سايكەس، جاسىل كوشەتتەردى جەلدەن، سۋىقتان جانە باسقا دا سىرتقى فاكتورلاردان قورعاۋ ءۇشىن اعاشتار ارنايى سىمدارمەن ورالىپ، تىرەكتەرمەن قورشالۋدا.
كەي جوبالاردى جاساۋعا تىكەلەي تۇرعىندار دا اتسالىسقان.
قالا حالقى دەمالاتىن ورىننىڭ جايلى دا، ىڭعايلى بولۋىنا تۇركىستاندىقتار ۇلەس قوسىپ، #حالىقتىق جوبا جاساۋدا. ءومىرزاق ەستاي ۇلى بۇل جوبانى ۇلگى رەتىندە پايدالانۋدى تاپسىردى.
