09:37, 24 - شىلدە 2018 | GMT +5
ۆەتنامدا تايفۋن قۇرباندارىنىڭ سانى 32 ادامعا جەتتى
استانا. قازاقپارات - ۆەتنامنىڭ سولتۇستىك جانە ورتالىق اۋداندارىندا «سون-تينح» تايفۋنىنىڭ سالدارىنان بولعان سۋ تاسقىندارى مەن لاي كوشكىندەرى كەم دەگەندە 32 ادامنىڭ ءومىرىن قيدى.
ازەرتادج اگەنتتىگى ۆەتنام ۇكىمەتىنىڭ مالىمەتتەرىنە سۇيەنىپ حابارلاۋىنشا، تاعى 17 ادام ءىز-ءتۇزسىز جوعالعاندار قاتارىندا.
«سون-تينح» تايفۋنى وتكەن اپتانىڭ سەيسەنبىسىندە وڭتۇستىك كورەيادا پايدا بولعان ەدى. ەكى كۇننەن كەيىن ۆەتنامعا لاپ قويدى. كوپتەگەن اۋداندار قۋاتتى نوسەرلەردەن زارداپ شەكتى، ولاردىڭ اراسىندا ەل استاناسى - حانوي بار.
توپان سۋ 5 مىڭنان استام ءۇي مەن عيماراتتى شايىپ كەتتى نەمەسە قيراتتى. 82 مىڭ گەكتارعا جۋىق اۋىل شارۋاشىلىق جەرلەرى سۋ استىندا قالدى.
