11:46, 18 - قازان 2017 | GMT +6
امەريكالىق ايەل رونالدۋمەن ءبىر كۇنىن بىرگە وتكىزۋ ءۇشىن 32 مىڭ ەۆرو تولەدى
استانا. قازاقپارات - كاليفورنيا تۇرعىنى كريشتيانۋ رونالدۋمەن كەزدەسىپ، ءبىر كۇندى فۋتبولشىنىڭ قاسىندا وتكىزۋ ءۇشىن قايىرىمدىلىق قورىنا 32 مىڭ ەۆرو اۋداردى.
بۇل تۋرالى Bild جازادى.
ايەل «رەالدىڭ» يسپانيا چەمپيوناتىنىڭ ۇيدە بولاتىن ماتچتارىنىڭ ورىننان ەكى بيلەت العان. جانە ول كوماندانىڭ جاتتىعۋىنا دا قاتىسىپ، ءوز كۋميرىنەن اۆتوگراف الىپ، جاتتىعۋ اياقتالعان سوڭ فۋتبولشىمەن ۋاقىتىن بىرگە وتكىزە الادى.
Forbes مالىمەتى بويىنشا رونالدۋ ەڭ جوعارعى جالاقى الاتىن ەۆروپالىق اتاقتى ادامدار رەيتينگىندە ەكىنشى ورىندا تۇر. بىلتىرعى جىلى پورتۋگال فۋتبولشىسى رونالدۋ 93 ميلليون دوللار پايدا تاپقان. ءبىرىنشى ورىندا جازۋشى دجوان روۋلينگ.
