بۇگىن قانات يسلام 32 جاسقا تولدى

استانا. قازاقپارات -  بەلگىلى بوكسشى قانات يسلام قىتاي حالىق رەسپۋبليكاسىنىڭ شىنجاڭ ۇيعىر اۆتونوميالىق اۋدانىندا 1984 -جىلدىڭ 13-قىركۇيەگىندە دۇنيەگە كەلگەن.

 اۋەلدە قىتاي قۇراماسىندا ونەر كورسەتكەن. 2008 -جىلى وتكەن وليمپيادا ويىندارىنىڭ قولا جۇلدەگەرى. قازاقستان رەسپۋبليكاسىنىڭ ەڭبەك سىڭىرگەن سپورت شەبەرى. ۇلكەن اعاسى تالعات شىنجاڭ ۇيعىر اۆتونوميالىق اۋدانىنىڭ بوكس قۇراماسىنا كىرگەن. اعاسىنىڭ جولىمەن قانات تا 1997 -جىلى بوكسقا اياق باسادى. ءتورت جىلدان كەيىن اۆتونوميالىق اۋداننىڭ قۇراماسىنا كىرەدى.

2000 -جىلى 69 كەلىگە دەيىنگى سالماقتا شىنجاڭ ۇيعىر اۆتونوميالىق رايونىنىڭ  چەمپيونى اتانسا، 2003 -جىلى ق ح ر كۋبوگىندا ەكىنشى ورىن الادى. 2004 -جىلى افينا وليپپياداسىنا قاتىسىپ، ازەربايجاندىق رۋسلان حايروۆقا ەسە جىبەرەدى.

2005 -جىلدىڭ قازانىندا ق ح ر حالىقتارىنىڭ 10- سپارتاكياداسىنىڭ چەمپيونى اتانىپ، شىنجاڭ ۇيعىر اۆتونوميالىق رايونى قۇراماسىنا العاشقى التىن مەدالدى الىپ بەرەدى. 2006 -جىلى دوحادا وتكەن ازيا ويىندارىندا جەرلەسىمىز باقىت سارسەكبايەۆتان جەڭىلىپ، قولا جۇلدەنى ەنشىلەيدى.2007 -جىلعى الەم چەمپيوناتى مەن 2008 -جىلعى وليمپيادا ويىندارىندا قولا مەدالدى قانجىعالايدى.

2010 -جىلى قازاقستانعا قونىس اۋدارىپ، 2011 -جىلى ازاماتتىق العان.

2012 -جىلدىڭ قىركۇيەگىندە كاسىبي بوكسقا اۋىسىپ، وسى جىلدىڭ جەلتوقسانىندا ورتا سالماق بويىنشا WBA Fedecaribe اتاعىن جەڭىپ الادى. 2015 -جىلدىڭ 8-قاراشاسىندا 31 جاستاعى امەريكالىق بوكسشى دجوناتان باتيستى ءبىرىنشى راۋندتا نوكاۋتپەن جەڭىپ، كاسىبي رينگتەگى 20- جەڭىسىنە قول جەتكىزەدى