الماتىنىڭ «العاباسىنداعى» ءۇي 32 سانتيمەترگە قيسايعان - فوتو
وعان جاۋاپتى «استانا قۇرىلىس» تۇسىنىكتەمە بەرۋدەن باس تارتتى دەپ حابارلايدى NUR. KZ.
قۇرىلىسقا جاۋاپتى كومپانيا NUR. KZ پورتالىنىڭ تىلشىسىنە بۇل جايتقا قاتىستى تۇسىنىكتەمە بەرۋدەن باس تارتتى.
سول ارادا اكىمدىكتىڭ رەسمي سايتىندا «العاباستاعى» 1/136 ءۇي باتىس باعىتقا قاراي قيسايعانى ايتىلعان.
ۇيدە 72 پاتەر بار. ءۇيدىڭ باس مەردىگەرى - «ن س ك استانا قۇرىلىس» كومپانياسى. ءۇي «قولجەتىمدى باسپانا-2020» باعدارلاماسى بويىنشا كەزەكتە تۇرعان ازاماتتارعا بەرىلگەن.
ءۇيدىڭ جاعدايىن باعالاۋ ءۇشىن ارنايى كوميسسيا قۇرىلدى. ال تۇرعىندار بولسا، بۇل جايتتىڭ ۆيدەوسىن جەلىگە جۇكتەپ جاتىر. تايسيا زاحاروۆا ەسىمدى كۋاگەر ءۇي ماڭىندا بولىپ جاتقان ۋ-شۋدى ۆيدەوعا ءتۇسىرىپ الدى.
ونىڭ ايتۋىنشا، بىرنەشە ساعاتتىڭ ىشىندە ءۇي تىپتەن قيسايا تۇسكەن. تۇرعىندار ءۇيدىڭ جاعدايىنا جەرتولەگە اققان جاڭبىر سۋى سەبەپكەر دەپ سانايدى.
