بىلتىرعى بيۋدجەتتەن 32 ميلليارد تەڭگە يگەرىلمەي قالعان
قارجىنى ۇقساتا الماۋدا ينۆەستيتسيالار جانە دامۋ مينيسترلىگى، ۇلتتىق ەكونوميكا مەن دەنساۋلىق ساقتاۋ جانە الەۋمەتتىك دامۋ مينيسترلىكتەرى كوش باستاپ تۇر. سالدارىنان سالالىق باعدارلامالاردىڭ ورىندالۋى مەن ينۆەستيتسيالىق جوبالاردىڭ جۇزەگە اسۋىندا ءمىن كوپ.
ماسەلەن يندۋستريالاندىرۋ بويىنشا 770 جوبانىڭ جارتىسىنان استامىتولىق قۋاتتا جۇمىس ىستەمەي وتىر. بيۋدجەتتىڭ ورىندالۋىن ورتاعا سالعان دەپۋتاتتار بۇل تاراپتاعى جۇمىستار جۇيەسىز دەپ سىنعا الدى. جىل سايىن ميللياردتاعان قارجى يگەرىلمەيدى.
بۇل ماسەلەنى قايتا-قايتا قاراۋدان ابدەن مەزى بولدىق دەگەن ماجىلىسمەندەر شارۋانى شيراتا الماعان شەنەۋنىكتى جاۋاپقا تارتۋدى زاڭمەن بەكىتۋدى ۇسىندى.
ومارحان وكسىكبايەۆ، ق ر پارلامەنتى ءماجىلىسىنىڭ دەپۋتاتى:
- قۇجاتتى 3 ساعات بويى تالقىلاعان دەپۋتاتتار ۇكىمەت مۇشەلەرىنە ساۋالدى قارشا بوراتتى. الايدا مينيسترلەردىڭ جاۋابىن ءماجىلىس سپيكەرى ماردىمسىز دەپ ءمىن تاقتى. بىلدەي ءبىر سالانى باسقارىپ وتىرعان باسشىلار ماسەلەگە ءاتۇستى قارايدى دەپ ايىپتادى.
قابيبوللا جاقىپوۆ، ق ر پارلامەنتى ءماجىلىسىنىڭ ءتوراعاسى:
- جىل سايىن الدىمىزدان شىعاتىن وسى ءبىر ماسەلە. قويىلعان ساۋالعا دا ماردىمدى جاۋاپ جوق. مۇمكىن بۇل تاقىرىپتى كۇن تارتىبىنەن الىپ تاستارمىز. بيۋدجەتتىڭ ورىندالماۋىن جونگە سالاتىن كەز كەلدى عوي. بيۋدجەت ەمەس، تۇسىنىكسىز بىردەڭە. مينيسترلەردەن، ۇلتتىق كومپانيالاردان سۇراۋ كەرەك بۇنىڭ ەسەبىن. ميللياردتاعان قاراجات يگەرۋسىز قالىپ وتىر. بۇل كەيبىر ورتالىق ازيانىڭ تۇگەل مەملەكەتتىك بيۋدجەتىن قۇرايدى.
www.24.kz