قازاقستاندا وڭدەۋ سالاسىندا «ۇلتتىق چەمپيوندار» بولۋعا لايىقتى 32 كومپانيا ايقىندالدى
بۇل تۋرالى بۇگىن استانادا «بايتەرەك» ۇلتتىق باسقارۋشى حولدينگى» ا ق باسقارما ءتوراعاسى قۋاندىق بيشىمبايەۆ ءمالىم ەتتى.
ونىڭ سوزىنە قاراعاندا، McKinsey Company حالىقارالىق كونسالتينگتىك كومپانياسىمەن بىرلەسە بۇل باعدارلاماعا قاتىسۋعا ۇمىتكەر وتاندىق وندىرۋشىلەر اراسىندا ىرىكتەۋ جۇرگىزىلدى.
«بۇل تۇرعىدا ازىق-تۇلىك ونەركاسىبى مەن ماشينا قۇرىلىسى سالالارىندا وندىرۋشىلەر قارالدى. بارشا وڭىرلەر بويىنشا 300 دەن استام كومپانيادان ءوتىنىم كەلىپ، دياگنوستيكادان ءوتتى. بۇگىندە ونىڭ ىشىندە 32 كومپانيا ىرىكتەلدى»، - دەدى بيشىمبايەۆ «باسەكەگە قابىلەتتى كوشباسشىلار - ۇلتتىق چەمپيوندار» ورتا بيزنەستى قولداۋ باعدارلاماسىن تالقىلاۋ جونىندەگى باسقارۋشى كوميتەت وتىرىسىندا.
وسى ورايدا ول بيىل اتالعان كومپانيالاردى دامىتۋ تۇرعىسىندا قارقىندى جۇمىستار جۇرگىزىلەتىنىن اتاپ ءوتتى. «الداعى جىلى باسقا سالالارعا كىرىسىمىز. ونىڭ اياسىندا دياگنوستيكا جۇرگىزىلىپ، پوتەنتسيالدى چەمپيوندار ىرىكتەلىنەدى»، - دەدى ول.
بەلگىلى بولعانداي، اتالعان كومپانيالاردىڭ ىشىندە 20 سى ا و ك سالاسىنا، جەتەۋى ماشينا جاساۋ، سونداي-اق 5 كومپانيا قۇرىلىس ماتەريالدارىن ءوندىرۋ سالاسىنان ىرىكتەلىندى. قازىرگى تاڭدا قاتىسۋشى كومپانيالارعا دياگنوستيكا جۇرگىزىلۋدە. ونىڭ قورىتىندىسى بويىنشا ءار كومپانياعا قاتىستى جەكە جوسپار جاساقتالىپ، ولاردىڭ دامۋى تۇرعىسىندا ۇسىنىستار بەرىلەدى.
«ءبىزدىڭ جاڭا باعدارلاما شيكىزاتتىق ەمەس سەكتوردى دامىتۋ، ونەركاسىپتىك ءوندىرىستىڭ كولەمدەرىن ۇلعايتۋ، ەڭبەك اقىسى جوعارى جاڭا جۇمىس ورىندارىن قۇرۋ جانە يمپورتتى الماستىرۋ سەكىلدى مىندەتتەردى شەشۋگە باعىتتالعان. ورتا بيزنەستى قولداۋ باعدارلاماسىن تابىستى ىسكە اسىرۋ كەزىندە ىرىكتەلىنگەن كومپانيالار ەڭبەك ونىمدىلىگىن جىلىنا ورتاشا 10 پايىزعا جانە ەكسپورتقا شىعارىلاتىن ءونىم ۇلەسىن قازىرگى دەڭگەيدەن 30 پايىزعا ۇلعايتادى دەپ كۇتىلۋدە»، - دەدى ق. بيشىمبايەۆ.
اۆتور: رۋسلان عابباسوۆ
