08:30, 16 - ءساۋىر 2015 | GMT +5
قازاقستاندا كولىك شىعارۋ 32 پايىزعا ازايدى
استانا. قازاقپارات - 2015 - جىلدىڭ ءبىرىنشى توقسانىندا قازاقستاندا كولىك شىعارۋ 32 پايىزعا ازايدى.
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ۇلتتىق ەكونوميكا مينيسترلىگىنىڭ ستاتيستيكا كوميتەتىنىڭ ءتوراعاسى ءاليحان سمايىلوۆ ءمالىم ەتتى.
«اۆتوكولىك ءوندىرىسى بويىنشا قاڭتار- ناۋرىز ارالىعىنداعى يندەكسى 68 پايىزدى قۇرادى، ياعني 2015 - جىلدىڭ ءبىرىنشى توقسانىندا قازاقستاندا كولىك شىعارۋ 32 پايىزعا ازايدى. ولاردىڭ ىشندە جەڭىل، جۇك كولىكتەرى مەن اۆتوبۋستار بار. نەگىزىنەن ول «ازيا اۆتو- شىعىس» ، سەمەيدەگى «كاماز- ينجينيرينگ» ، سونداي- اق قوستاناي وبلىسىنداعى وندىرىستەردىڭ باياۋلاۋىنان ورىن الۋدا» ، - دەپ اتاپ ءوتتى ول.
اۆتور: جاسۇلان جولدىبايەۆ
