10:36, 18 - شىلدە 2014 | GMT +5
قازاقستان ۋ ە ف ا ەلدەرىنىڭ كلۋبتىق رەيتينگىندە 32- ورىنعا كوتەرىلدى
استانا. قازاقپارات - چەمپيوندار ليگاسى مەن ەۋروپا ليگاسىنىڭ العاشقى ىرىكتەۋ ويىندارىنىڭ قورىتىندىسى بويىنشا ۋ ە ف ا ەلدەرىنىڭ كلۋبتىق رەيتينگىندە قازاقستاندىق قۇرامالار 2.125 ۇپاي جينادى.
بۇل كورسەتكىش گرۋزيا مەن مولدوۆادان وزۋعا مۇمكىندىك بەردى. وسىلايشا قازاقستان ۆەنگريا، ازەربايجان جانە سلوۆاكيادان كەيىن 32- ورىنعا جايعاستى.
ەسكە سالا كەتەيىك، كەشە ەۋروپا ليگاسىندا «استانا» يزرايلدىك «حاپوەل» تەل-ءاۆيۆتى جەڭدى، الماتىلىق «قايرات» پەن دانيالىق «ەسبەرگ» ، قاراعاندىلىق «شاحتەر» مەن ليتۆالىق «اتلانتاس» تەڭ ءتۇستى.
