تۇركىستاندا جارتى جىلدا 324 ادام مەملەكەتتەن نەسيە الىپ، بيزنەس باستاعان
«جالپى، وسىناۋ جۇمىستارعا بيىلعا 3,282 ميلليارد تەڭگە قارالىپ، نەسيە بەرۋ جۇمىستارى جۇرگىزىلىپ جاتىر. 2018 -جىلدىڭ 1 - جارتى جىلدىعىندا اتقارىلعان جۇمىستاردىڭ ىشىندە «اۋىل شارۋاشىلىعىن قارجىلاي قولداۋ قورى» ا ق ارقىلى 260 ادامعا نەسيە بەرىلسە، مۇنداعى 184 كاسىپكەر مال شارۋاشىلىعىمەن اينالىسادى. 6 پايىزدىق ۇستەمەمەن 7 جىلعا بەرىلگەن وزگە دە كرەديتتەر جىلىجاي، جيھاز ءوندىرىسى جانە شاشتاراز كاسىبىنە بۇيىردى» دەلىنگەن حابارلامادا.
«ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان» باعدارلاماسىن ىسكە اسىرۋدىڭ ەكىنشى تارماعى بويىنشا «اگرارلىق نەسيە كورپوراتسياسى» ا ق ارقىلى 64 ادامعا 6 پايىزبەن 7 جىلعا نەسيە راسىمدەلگەن. ونىڭ 63- ءى - مال شارۋاشىلىعىنا قاتىستى بيزنەس بولسا، 1-ەۋى - جىلىجاي سالاسىنا تيەسىلى.
ودان بولەك، ناتيجەلى جۇمىسپەن قامتۋ، جاپپاي كاسىپكەرلىكتى جانە كووپەراتيۆتەردى دامىتۋعا رەسپۋبليكالىق بيۋدجەتتەن قوسىمشا 3 ميلليارد تەڭگەگە ءوتىنىم بەرىلىپ، ونىڭ 1,8 ميلليارد تەڭگەسى قولداۋ تاپقان.
