بيىل مەملەكەت 320 مىڭنان استام ادامعا جۇمىسقا ورنالاسۋعا كومەكتەسەدى

استانا. قازاقپارات - بيىل جۇمىسقا تۇرۋ بويىنشا مەملەكەتتىك قولداۋ 320 مىڭنان استام ادامدى قامتيدى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى داۋلەت ارعاندىقوۆ ءمالىم ەتتى.

«2015-جىلى جۇمىسپەن قامتۋ شارالارىمەن 323 مىڭ ادامدى نەمەسە جۇمىسسىزدار (458 مىڭ ادام) جانە ءتيىمسىز جۇمىسپەن قامتىلعانداردىڭ (721 مىڭ ادام) جالپى سانىنىڭ 27 پايىزىن قامتۋ جوسپارلانعان. ماقساتتى توپتار بويىنشا جۇمىسپەن قامتۋ شارالارىمەن ءتيىمسىز جۇمىسپەن قامتىلعانداردىڭ 12,7 پايىزى جانە جۇمىسسىزداردىڭ 50,3 پايىزى قامتىلادى»، - دەدى ۆيتسە-مينيستر.

ونىڭ سوزىنە قاراعاندا، قولداۋ شارالارى مەملەكەتتىك جانە سالالىق باعدارلامالار اياسىنداعى («نۇرلى جول»، «جۇمىسپەن قامتۋ 2020 جول كارتاسى»، وڭىرلەردى دامىتۋ باعدارلاماسى جانە ت. ب.) قاراستىرىلدى.

اۆتور: رۋسلان عابباسوۆ