دەمالىس كۇندەرى 32-37 گرادۋسقا دەيىن ىستىق بولادى

نۇر-سۇلتان. قازاقپارات - قازگيدرومەت 26-28-ماۋسىمعا ارنالعان اۋا رايى بولجامىن جاريالادى، دەپ حابارلايدى قازاقپارات.

«اتموسفەرالىق اۋا اعىنداردىڭ اسەرىنەن ەلدىڭ ءبىرشاما اۋداندارىندا نايزاعاي جارقىلدايدى. تەك قازاقستاننىڭ باتىسىندا جاۋىن- شاشىنسىز ىستىق اۋا رايى ساقتالادى. رەسپۋبليكانىڭ شىعىس جانە وڭتۇستىك بولىگىندە جەل كۇشەيىپ، وڭتۇستىك وڭىرلەردە شاڭدى داۋىل تۇرادى. اۋا تەمپەراتۋراسىنىڭ بىرتىندەپ جوعارىلاۋى بولجانادى: كۇندىز سولتۇستىكتە 20-32 گرادۋسقا دەيىن، ورتالىقتا 20-37 گرادۋسقا دەيىن، ال شىعىستا 15-28 گرادۋس ىستىق بولادى»، - دەلىنگەن حابارلامادا.