قىتايدىڭ چىڭدۋ قالاسىندا 31-جازعى ۋنيۆەرسيادا مارەسىنە جەتتى

استانا. قازاقپارات - قىتايدىڭ چەندۋ قالاسىندا XXXI جازعى ۋنيۆەرسيادا مارەسىنە جەتتى، دەپ حابارلايدى قازاقپارات ءتىلشىسى.

جازعى ۋنيۆەرسيادادا 118 ەلدەن كەلەن 7500 اتلەت 18 سپورت تۇرىندە 269 مەدال جيىنتىعىن ساراپقا سالدى.

قازاقستان قۇراماسى ساپىندا 93 سپورتشى ستۋدەنت بار، ولار 11 سپورت تۇرىنەن 2 التىن، 7 كۇمىس جانە 11 قولا جۇلدە جەڭىپ الدى. ناتيجەسىندە جالپى كوماندالىق ەسەپتە 20 جۇلدەمەن 20 ورىنعا تۇراقتادى.

مەدالدار كەستەسىندە 1-ورىن العان قىتاي سپورتشىلارى 178 مەدالعا (103 التىن، 40 كۇمىس جانە 35 قولا) يە بولدى. ودان كەيىنگى ورىندارداعى جاپونيا - 93 (21-29-43)، وڭتۇستىك كورەيا - 58 (17-18-23) مەدال الدى.

ەندى 2025 -جىلعى جازعى ۋنيۆەرسيادا گەرمانيانىڭ رەين- رۋر ايماعىندا وتكىزىلەدى.

سالتاناتتى شارانىڭ جابىلۋىندا گەرمانيانىڭ رەين قالاسىنىڭ مەرىنە FISU-دىڭ تۋى تابىس ەتىلدى.