ق ر پرەزيدەنتى توراعالىعىمەن قازاقستان حالقى اسسامبلەياسىنىڭ 31-سەسسياسى اشىلدى

نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆتىڭ توراعالىعىمەن قازاقستان حالقى اسسامبلەياسىنىڭ كەزەكتى وتىز ءبىرىنشى سەسسياسى اشىلدى، دەپ حابارلايدى قازاقپارات ءتىلشىسى.

اسسامبلەيانىڭ بۇل جولعى جيىنى «ەل بىرلىگى - جاڭارعان قازاقستاننىڭ تىرەگى» كۇن تارتىبىمەن وتەدى. «قوعامدىق كەلىسىم» ر م م ديرەكتورى عالىمجان قۇسمانعاليدىڭ ايتۋىنشا، سەسسيا ەكى كۇنگە جوسپارلانعان بولاتىن.

«ءبىرىنشى كۇنى ءۇش سەكسيادا پىكىرتالاستار ءوتتى - «ۇلت كەلەشەگى جانە ق ح ا-نى جاڭعىرتۋ، «حالىق بىرلىگى؛ ءبىلىمنىڭ، مادەنيەتتىڭ جانە ازاماتتىق قوعام مەن بۇقارالىق مەديا ينستيتۋتتاردىڭ ءرولى» جانە ءۇشىنشى سەكتسيانىڭ تاقىرىبى: «قازاقستان حالقى اسسامبلەياسىنىڭ جاستار سەسسياسى». ق ح ا سەسسياسى پرەزيدەنت قاسىم- جومارت توقايەۆتىڭ توراعالىعىمەن وتەدى»، - دەدى ول.

بۇعان دەيىن جازعانىمىزداي، كەشە ورتالىق سايلاۋ كوميسسياسىنىڭ ءتوراعاسى نۇرلان ءابدىروۆتىڭ توراعالىعىمەن ۆەدومستۆو وتىرىسى ءوتتى.

وندا ق ر پارلامەنتى ءماجىلىسىنىڭ شىعىپ قالعان دەپۋتاتىنىڭ ورنىنا سايلاۋ ءۇشىن قازاقستان حالقى اسسامبلەياسىنان ۇسىنىلعان كانديداتتاردى تىركەۋ ماسەلەسى قارالدى. داۋىس بەرۋ بيىلعى 28-ساۋىرگە تاعايىندالعان.