قازاقپارات كۇنتىزبەسى: 31- ناۋرىز
اتاۋلى كۇندەر
رەزەرۆتىك كوشىرمە جاساۋ (بەكاپ) كۇنى
بۇل كۇن اقپاراتتى قورعاۋ مەن ونى ساقتاۋدى قامتاماسىز ەتۋگە قوعامنىڭ نازارىن اۋدارۋ ماقساتىندا بەلگىلەنگەن.
رەزەرۆتىك كوشىرمە جاساۋ دەگەنىمىز - قوسىمشا اقپارات تاسىمالداۋشى قۇرالعا قۇجاتتىڭ كوشىرمەسىن جاساۋ پروتسەدۋراسى. رەزەرۆتىك كوشىرمەنىڭ قاجەتتىلىگىنە ەرەكشە ءمان بەرگەن رەدديت سايتىنىڭ قولدانۋشىلارى بەكاپ كۇنىن اتاپ ءوتۋ تۋرالى ۇسىنىس جاساپ، باستاما كوتەردى.
بۇل كۇننىڭ نەلىكتەن 31 ناۋرىزعا بەلگىلەن؟
1- ءساۋىر كۇنى قىلجاقباستار كۇلكى كۇنىنە وراي جىبەرگەن ۆيرۋستارى مالىمەتتەردى جويىپ جىبەرۋى ءجيى كەزدەسەدى. ال بەكاپ كۇنى ءدال سول اقپاراتتاردى ساقتاۋ كەرەكتىگىن ەسكە سالادى.
ەستە قالار وقيعالار
1995 -جىلى العاش رەت ۇلتتىق بانكتىڭ مەملەكەتتىك ساقتاۋ قويماسىنا «بالقاش-ل ت د» تاۋ- كەن كومپانياسىنىڭ العاشقى التىن قۇيماسى جەتكىزىلدى.
1995 -جىلى «قازپوشتا» الەمدىك مادەنيەت قايراتكەرلەرى مەن ۇلى ابايدىڭ 150 جىلدىعىنا ارنالعان پوشتالىق ماركالاردى شىعاردى.
1998 -جىلى قازاقستاندا پرەزيدەنتتىڭ قولداۋىمەن قازاق ۇلتتىق مۋزىكا اكادەمياسى (ق ا ز ۇ م ا) قۇرىلدى.
2011 -جىلى ۆاشينگتوننىڭ «Carnegie Institution for Science « تانىمال عيماراتتارىنىڭ بىرىندە «Kazakh Cinema Evenings» قازاقستاندىق كينوفەستيۆالى اشىلدى. فەستيۆالدىڭ ءبىرىنشى كۇنىندە تانىمال قازاقستاندىق رەجيسەر رۇستەم ابدىراشيەۆتىڭ قازاق حالقىنىڭ تولەرانتتىلىعى تۋرالى باياندايتىن «ستالينگە سىيلىق» اتتى فيلمى كورسەتىلدى.
2015 -جىلى ەكىنشى دۇنيەجۇزىلىك سوعىستاعى جەڭىستىڭ 70 جىلدىعىنا ارنالعان «ۇلى جەڭىسكە 70 جىل» اتتى ەستەلىك مونەتاسى شىعارىلدى. نومينالى - 500 تەڭگە.
2016 -جىلى مەملەكەت باسشىسى ن. ءا. نازاربايەۆتىڭ قاتىسۋىمەن ۆاشينگتون قالاسىندا يادرولىق قاۋىپسىزدىك جونىندەگى سامميت بارىسىندا قازاقستان مەن ا ق ش- تىڭ يادرولىق قاۋىپسىزدىك جانە تاراتپاۋ سالاسىنداعى ىنتىماقتاستىق تۋرالى بىرلەسكەن مالىمدەمەسى قابىلداندى.
2016 -جىلى ق ر مادەنيەت جانە سپورت مينيسترلىگى ق ر ۇلتتىق مۋزەيىنىڭ قورىنا شىعىس قازاقستان وبلىسىنداعى قورعانداردان تابىلعان 968 ارحەولوگيالىق ەسكەرتكىشتى تاپسىردى.
2017 -جىلى فيدە پرەزيدەنت كەڭەسىندە 17 جاستاعى قازاقستاندىق شاحماتشى جانسايا ابدىمالىك International Master (ەرلەر اراسىنداعى حالىقارالىق شەبەر) اتاعىن الدى. ول قازاقستان شاحماتشىلارىنىڭ اراسىندا العاشقىلاردىڭ ءبىرى بولىپ International Master دارەجەسىن يەلەندى.
2018 -جىلى الماتى وبلىسىنىڭ رايىمبەك اۋدانى: كەگەن اۋدانى (ورتالىعى - كەگەن اۋىلى) جانە رايىمبەك اۋدانىنا (ورتالىعى - نارىنقول اۋىلى) ءبولىندى.
2020 -جىلى مەملەكەت باسشىسى قاسىم-جومارت توقايەۆ رەسپۋبليكالىق تەلەارنالاردىڭ ەفيرىنەن ەلىمىزدەگى توتەنشە جاعدايعا (پاندەمياعا بايلانىستى) جانە مەملەكەتتىڭ داعدارىسقا قارسى ءىس-شارالارىنا بايلانىستى مالىمدەمە جاسادى. پرەزيدەنت داعدارىسقا قارسى سەگىز شارانى ۇسىندى. ءبىرىنشىسى - ينفلياتسيانىڭ ارتۋىنا بايلانىستى زەينەتاقى، مەملەكەتتىك جاردەماقى جانە اتاۋلى الەۋمەتتىك كومەك مولشەرىن 10 پايىزعا يندەكساتسيالاۋ.
ەكىنشىسى - ءوزىن-ءوزى جۇمىسپەن قامتىعاندار مەن رەسمي تىركەلمەي جۇمىس ىستەيتىندەرگە 42500 تەڭگە كولەمىندە تولەۋ.
ءۇشىنشىسى - تۇرمىسقا قاجەتتى زاتتار مەن ازىق-تۇلىكتى تەگىن الاتىن ازاماتتاردىڭ قاتارىن كوبەيتۋ.
ءتورتىنشىسى - مىندەتتى الەۋمەتتىك مەديتسينالىق ساقتاندىرۋ جۇيەسى بويىنشا ساقتاندىرىلماعان ازاماتتاردىڭ مەديتسينالىق كومەك الۋ قۇقىعىن 1 - ساۋىردەن 1 - شىلدەگە دەيىن ۇزارتۋ.
بەسىنشىسى - شاعىن جانە ورتا بيزنەس وكىلدەرىن بيىلعى 1 - قازانعا دەيىن ەڭبەكاقى تولەۋ قورىنان ۇستالاتىن سالىقتان بوساتۋ.
التىنشىسى - «جۇمىسپەن قامتۋدىڭ جول كارتاسى» باعدارلاماسى بويىنشا جۇمىس ىستەگىسى كەلەتىن ازاماتتارعا جالاقىسىنا قوسىمشا 85 مىڭ تەڭگە تولەۋ.
جەتىنشىسى - اۋىل شارۋاشىلىعىمەن اينالىساتىن كاسىپكەرلەرگە قولداۋ كورسەتۋ.
سەگىزىنشى - بارلىق شارالاردى ورىنداۋ ءۇشىن ۇكىمەت پەن ۇلتتىق بانك بارلىق قاجەتتى قاراجات كوزدەرىن پايدالانا الادى.
