تۇركيا 31 ەلدىڭ ازاماتتارىنا مەديتسينالىق مەكەمەلەرىندە ەمدەلۋگە رۇقسات ەتتى

انكارا. انادولى-قازاقپارات - 20- مامىردان باستاپ مەديتسينالىق مەكەمەلەردە ەمدەلۋ ءۇشىن 31 ەلدىڭ ازاماتتارىنا تۇركيا شەكاراسىنان وتۋگە رۇقسات بەرىلدى، دەپ حابارلايدى قازاقپارات انادولى اگەنتتىگىنە سىلتەمە جاساپ.

تۇركيا ۇكىمەتى كورونوۆيرۋس ينفەكتسياسىنا بايلانىستى كارانتيندى جەڭىلدەتۋ شارالارى اياسىندا وسىنداي شەشىم قابىلدادى.

رۇقسات ەتىلگەن ەلدەردىڭ اراسىندا يراك، ليۆيا، ازەربايجان، گرەكيا، رەسەي، قازاقستان، ۋكراينا، وزبەكستان، گرۋزيا، تۇركىمەنستان، مولدوۆا، قىرعىزستان، دجيبۋتي، كاتار، گەرمانيا، ۇلى بريتانيا جانە نيدەرلاندى ەلدەرىنىڭ ازاماتتارى بار.

سىرقاتتارعا مەديتسينالىق جاردەم بەرىلەتىن قىزمەت تۇرلەرى دە ايقىندالعان.

ولار: ورتوپەديا، تراۆماتولوگيا، جالپى حيرۋرگيا، بالالار حيرۋرگياسى، ۋرولوگيا، كوز اۋرۋلارى، كارديولوگيا، ونكولوگيا، نەيروحيرۋرگيا، گەماتولوگيا، رەپرودۋكتيۆتى تەراپيا، ورگاندار جانە سۇيەك مايى ترانسپلانتاتسياسى. تۇركيادا ەمدەلگىسى كەلەتىن شەتەلدىكتەر تۋرالى اقپارات الدىمەن حالىقارالىق مەديتسينالىق باقىلاۋ جۇيەسىندە ورنالاستىرىلادى جانە ونىڭ راستالعاندىعىن العاننان سوڭ تۇرىك مەديتسينالىق مەكەمەلەرىندە ەمدەلۋگە رۇقسات بەرىلەدى.