قازاقستانداعى قىسقى ۋنيۆەرسيادانىڭ باستالۋىنا 31 كۇن قالدى
تابالدىرىقتان اتتاعالى تۇرعان تاۋىق جىلىنىڭ 29-قاڭتارى مەن 8-اقپانى ارالىعىندا وتەتىن دوداعا الماتى تاس-ءتۇيىن دايىن.
ەستەرىڭىزگە سالا كەتەيىك، قىسقى ۋنيۆەرسيادا باعدارلاماسىنا مانەرلەپ سىرعاناۋ، شورت-ترەك، تاۋ شاڭعىسى، سنوۋبورد، بياتلون، شاڭعىمەن جارىسۋ، شايبالى حوككەي (ايەلدەر مەن ەرلەر اراسىنداعى)، كەرلينگ، شاڭعىمەن ترامليننەن سەكىرۋ، شاڭعى قوسسايىسى، كونكيمەن جۇگىرۋ سپورتى، فريستايل سەكىلدى 12 سپورت ءتۇرى كىرگەن.
جارىستارعا 2 مىڭعا جۋىق سپورتشى قاتىسادى دەپ كۇتىلۋدە. ۋنيۆەرسيادا وتكىزىلەتىن ۋاقىتتا 3 مىڭ ەرىكتى، ونىڭ ىشىندە شەتەلدىك ەرىكتىلەر دە اتسالىسادى. ستۋدەنتتەر اراسىنداعى سپورت ويىندارىنا 30 مىڭعا جۋىق وتاندىق جانە شەتەلدىك تۋريست كەلەدى دەپ كۇتىلۋدە. سايىستاردى الەمنىڭ 80 ەلىندەگى 1 ميلليارد ادام تەلەديدار ارقىلى تاماشالاماق.
اۆتور: كۇنسۇلتان وتارباي
