بۇگىن 31 -مامىر - ساياسي قۋعىن-سۇرگىن قۇرباندارىن ەسكە الۋ كۇنى
بۇل كۇن ەلباسىنىڭ جارلىعىمەن ساياسي قۋعىن-سۇرگىن قۇرباندارىن ەسكە الۋ جىلى بولىپ اتالعان 1997 -جىلدان باستاپ اتاپ وتىلەدى جانە قازاقستان ءۇشىن ايرىقشا ماعىناعا يە.
كەزىندە ءبىزدىڭ رەسپۋبليكامىز ميلليونداعان كەڭەستىك ازاماتتاردىڭ جەر اۋدارىلعان مەكەنىنە اينالعان.
«حالىق جاۋلارىن» انىقتاۋ بويىنشا جوسپارلى جۇمىس جۇرگىزىلگەن سول كەزدەردەگى قاتىگەز ساياسات ناتيجەسىندە قۋعىن- سۇرگىنگە ۇشىراعانداردىڭ وزدەرى عانا ەمەس، ولاردىڭ جاقىندارى دا جاپا شەكتى.
وسى كەزەڭ ارالىعىندا قازاقستاندا 103 مىڭ ادام قۋعىن- سۇرگىنگە ۇشىراعان جانە 25 مىڭ ادام اتۋ جازاسىنا كەسىلگەن. ناق وسى جىلدارى قازاقستاندىق عىلىم، مادەنيەت جانە ساياسات سالاسىنىڭ زيالى قاۋىم وكىلدەرى اتىلعان.
تاۋەلسىز قازاقستاندا العاشقى بولىپ قابىلدانعان زاڭداردىڭ ءبىرى - 1993 -جىلعى ءساۋىردىڭ 14-ىندەگى «جاپپاي ساياسي قۋعىن- سۇرگىن قۇرباندارىن اقتاۋ تۋرالى» ق ر زاڭى.
