قازاقستاندا 31 ەلدىڭ ازاماتى ەمدەلدى

 استانا. قازاقپارات - قازاقپاراتتىڭ رەسمي ساۋالىنا وراي ق ر دەنساۋلىق ساقتاۋ جانە الەۋمەتتىك دامۋ مينيسترلىگى قازاقستانداعى مەديتسينالىق تۋريزمنىڭ دامۋى تۋرالى اقپاراتپەن ءبولىستى.

ۆەدومستۆونىڭ اقپاراتىنا قاراعاندا، بۇگىندە قازاقستاننىڭ مەديتسينالىق قىزمەتىنە جۇگىنەتىن شەتەل ازاماتتارىنىڭ قاتارى ارتىپ كەلەدى. ماسەلەن، «ۇلتتىق مەديتسينالىق حولدينگ» اق- نىڭ كلينيكالارىندا بۇعان دەيىن رەسەي مەن قىرعىزستان ازاماتتارى عانا ەم السا، بۇگىندە ولاردىڭ قاتارىن ا ق ش، جاپونيا يتاليا ەلدەرىنەن كەلەتىن ەمدەلۋشىلەر قاتارى تولىقتىرۋدا.

«2013 - جىلى 832 شەتەلدىك ازاماتقا مەديتسينالىق قىزمەت كورسەتىلدى. ولاردىڭ اراسىندا قازاقستاننىڭ، سونىمەن قاتار ت م د ەلدەرىنىڭ اۋماعىندا جۇمىس ىستەيتىن ادامدار بار» ، - دەلىنگەن مينيسترلىك اقپاراتىندا.

 سونىمەن، ۆەدومستۆو اقپاراتىنا سايكەس ەلىمىزدە  ۇلى بريتانيانىڭ 260, ا ق ش- تىڭ 111, قىرعىزستاننىڭ 51, تۇركيانىڭ 50, رەسەيدىڭ 44, بولگاريانىڭ 35, شري- لانكانىڭ 23, فيليپپيننىڭ 27 ازاماتى ەم العان. بۇگىندە قازاقستان كلينيكالارىنان الەمنىڭ 31 مەملەكەتىنىڭ ازاماتتارى ەم الىپ ۇلگەردى.

سونىمەن قاتار مينيسترلىك اقپاراتىنا قاراعاندا، قازاقستاندا شەتەلدىك كلينيكا جوق. ءبىراق، شەتەلدىك ينۆەستورلاردى جانە كلينيكا ماماندارىن تارتۋعا مۇمكىندىك بەرەتىن مەملەكەتتىك- جەكە سەرىكتەستىك دامۋ ۇستىندە.

 ايتا كەتەرلىگى، «patientsۆەyondۆorders» جۋرنالىنىڭ دەرەكتەرىنە قاراعاندا، جىل سايىن الەمنىڭ شامامەن 8 ميلليون تۇرعىنى شەتەلدە ەمدەلەدى ەكەن.

 

 اۆتور: مارلان جيەمباي