قازاقستاندا ايلىق ەسەپتىك كورسەتكىش 3180 تەڭگە بولادى

نۇر- سۇلتان. قازاقپارات - قازاقستاندا ايلىق ەسەپتىك كورسەتكىش مولشەرى 3180 تەڭگە بولادى. مۇنداي تۇزەتۋ «2022- 2024 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىندا كوزدەلگەن، دەپ حابارلايدى قازاقپارات ءتىلشىسى.

اشىق نورماتيۆتىك- قۇقىقتىق اكتىلەر پورتالىندا تالقىلاۋعا شىعارىلعان زاڭ جوباسىندا 2022 -جىلعى 1- ساۋىردەن باستاپ:

- مەملەكەتتىك بازالىق زەينەتاقى تولەمىنىڭ ەڭ تومەن مولشەرى - 20191 تەڭگە؛

- زەينەتاقىنىڭ ەڭ تومەن مولشەرى - 48032 تەڭگە؛

- جاردەماقى جانە وزگە دە الەۋمەتتىك تولەمدەردى ەسەپتەۋ، سونداي- اق قازاقستان زاڭناماسىنا سايكەس ايىپپۇل سانكسيالارىن، سالىقتاردى جانە باسقا دا تولەمدەردى قولدانۋ ءۇشىن ايلىق ەسەپتىك كورسەتكىش - 3180 تەڭگە؛

- بازالىق الەۋمەتتىك تولەمدەردىڭ مولشەرلەرىن ەسەپتەۋ ءۇشىن ەڭ تومەن كۇنكورىس دەڭگەيىنىڭ شاماسى 37389 تەڭگە بولىپ بەلگىلەنگەن.

ايتا كەتەرلىگى، 2022 -جىلدىڭ قاڭتارىندا ەڭ تومەنگى زەينەتاقى مولشەرى - 46302 تەڭگەگە دەيىن، ەڭ تومەنگى بازالىق زەينەتاقى تولەمى 19450 تەڭگەگە دەيىن ءوستى. سونىمەن بىرگە، جاردەماقى جانە وزگە دە الەۋمەتتىك تولەمدەردى ەسەپتەۋ، سونداي- اق ق ر زاڭناماسىنا سايكەس ايىپپۇل سانكسيالارىن، سالىقتاردى جانە باسقا دا تولەمدەردى قولدانۋ ءۇشىن ايلىق ەسەپتىك كورسەتكىش - 3063 تەڭگە بولىپ بەكتىلدى.

ال بازالىق الەۋمەتتىك تولەم مولشەرىن ەسەپتەۋ ءۇشىن ەڭ تومەن كۇنكورىس دەڭگەيىنىڭ شاماسى 36018 تەڭگەگە دەيىن ارتتى.

اۆتور: مارلان جيەمباي