08:14, 25 - ناۋرىز 2016 | GMT +6
بريۋسسەلدەگى جارىلىستان زارداپ شەككەندەر سانى 316 ادامعا جەتتى
استانا. قازاقپارات - بريۋسسەلدەگى لاڭكەستىك سالدارىنان سوڭعى مالىمەتتەر بويىنشا 32 ادام قازا تاۋىپ، 316 سى جارالانعان.
ونىڭ ىشىندە 121 ادام ءالى اۋرۋحانادا جاتىر، دەپ حابارلادى «ر ي ا نوۆوستي» اگەنتتىگى بەلگيا دەنساۋلىق ساقتاۋ مينيسترلىگىنە سىلتەمە جاساي وتىرىپ.
ەسكە سالا كەتسەك ، 22 -ناۋرىز كۇنى بريۋسسەلدىڭ «زاۆەنتەم» اۋەجايىندا ەكى جارىلىس بولدى. بۇدان ءبىر ساعاتتان كەيىن قالا ورتالىعىنداعى «ماەلبەك» مەترو ستانساسىنداعى ۆاگوندا تاعى ءبىر جارىلىس جاسالدى.
وقيعا سالدارىنان 32 ادام كوز جۇمعان. بريۋسسەلدەگى جارىلىستاردىڭ جاۋاپكەرشىلىگىن «يسلام مەملەكەتى» (ي م) ەكسترەميستىك توبى موينىنا الدى.
فوتو: يرينا كالاشنيكوۆا
