قازاقستاندا ەسكى كولىكتەر 315 مىڭ تەڭگەدەن قابىلدانا باستايدى

استانا. قازاقپارات - قازاقستاندا 2016-جىلدىڭ قازان ايىندا ەسكى كولىكتەردىڭ ورنىنا سەرتيفيكات بەرۋ باعدارلاماسىن جۇزەگە اسىرۋ جوسپارلانىپ وتىر.

Kolesa.kz تىلشىلەرى بۇل جوبانىڭ ءمان-جايىن ءبىلدى.

الدىن الا مالىمەت بويىنشا، بۇل باعدارلاما ەكى كەزەڭگە بولىنەدى. ءبىرىنشى كەزەڭى 2016-جىلدىڭ قازان ايىنان باستاپ 2016-جىلدىڭ 31- جەلتوقسانىنا دەيىن جالعاسادى. بۇل كەزدە تەك جەڭىل كولىكتەر قابىلداناتىن بولادى. ال باعدارلامانىڭ ەكىنشى كەزەڭىندە، ياعني 2017-جىلدىڭ 1- قاڭتارىنان 2021-جىلدىڭ 31- جەلتوقسانىنا دەيىن اۆتوبۋستار، شاعىن اۆتوبۋستار جانە جۇك كولىكتەرى قابىلداناتىن بولادى.

ايتا كەتەيىك، بۇل جوباعا قاتىسۋشىلاردىڭ كولىكتەردى كەم دەگەندە التى اي ۋاقىت قولدانىستا بولۋى كەرەك. باسىلىمنىڭ مالىمەتىنشە، كولىككە مىنانداي تالاپتار قويىلادى:

1. شاناق (شاسسي)؛

2. ەسىكتەر؛

3. كاپوت، جۇكسالعىشتىڭ قاقپاعى؛

4. قوزعالتقىش؛

5. رادياتور؛

6. بەرىلىس قورابى؛

7. اككۋمۋلياتور؛

8. دوڭگەلەكتەرى؛

9. اسپاپ-قۇرالدار پانەلى؛

10. ورىندىقتار.

وسى جاعدايدا عانا كولىك يەلەرى 315 مىڭ تەڭگە كولەمىندە تولەماقى الا الادى. ايتا كەتەيىك، ازىرشە جوبانىڭ ەكىنشى كەزەڭىندە جۇك كولىكتەرى مەن اۆتوبۋستاردىڭ قالاي باعالاناتىنى ايتىلمادى.

سونداي-اق، سەرتيفيكاتتاردىڭ سانى شەكتەۋسىز ەكەنى ايتىلادى. ەڭ قىزىعى، سەرتيفيكاتتاردى ساتۋعا جانە باسقا ءبىر ادامعا قولدانۋعا بەرۋگە مۇمكىندىك بار. تەك ونى ءوز اتىنا تىركەۋى قاجەت ەكەن.

باسىلىمنىڭ مالىمەتىنشە، وسىعان دەيىن بۇل جوباعا يمپورتتالعان كولىكتەردى دە قاتىستىرۋ ۇسىنىلعان. «الايدا وتاندىق ءونىمنىڭ پايداسىن ارتتىرۋ ءۇشىن مۇنداي ويدان باس تارتقان كورىنەدى»، - دەلىنگەن ماقالادا.