استانادا 30 جۇرگىزۋشى مەشىت ماڭىنا كولىگىن قويعانى ءۇشىن نومىرىنەن ايىرىلدى

None
استانا. قازاقپارات - استانادا «ازىرەت سۇلتان» مەشىتى ماڭىنداعى ايالداماعا اۆتوبۋستاردىڭ توقتاۋىنا كەدەرگى كەلتىرمەۋ ماقساتىندا كولىكتەردى تۇراققا قويۋعا تىيىم سالىنعان بولاتىن.

تىيىمدى ەلەمەگەن جۇرگىزۋشىلەر كولىك نومىرلەرىنەن ايىرىلىپ جاتىر، دەپ حابارلايدى قازاقپارات.

CTS كومپانياسىنىڭ كولىكتىك باقىلاۋ دەپارتامەنتى پوليتسيا دەپارتامەنتىنىڭ قىزمەتكەرلەرىمەن بىرلەسىپ 15-تامىزدان باستاپ رەيد وتكىزىپ جاتىر.

تاۋەلسىزدىك داڭعىلىندا احمەت بايتۇرسىنوۆ كوشەسى باعىتىندا ورنالاسقان ايالدامادا اۆتوبۋستان باسقا كولىك قۇرالدارى ءۇشىن «ايالداما، تۇراققا تىيىم سالىنادى» جول بەلگىسى بار. بەلگىنى ەلەمەيتىن جۇرگىزۋشىلەر جەكە جانە قىزمەتتىك كولىكتەرىن جول بويىندا قالدىرىپ كەتەدى. بۇل ءوز كەزەگىندە قوعامدىق كولىكتىڭ قوزعالىسىن قيىنداتادى.

«بىرلەسكەن جۇمىس بارىسىندا 80 كولىك يەسىمەن تۇسىندىرمە جۇمىستارى جۇرگىزىلدى، 50 ادامعا اكىمشىلىك حاتتامالار تولتىرىلدى، سونداي- اق 30 اۆتوماشينادان مەملەكەتتىك نومىرلەرى الىندى» ، - دەلىنگەن حابارلامادا.

سوڭعى جاڭالىقتار