بولاشاق پەداگوگتەر ءۇشىن 30 يننوۆاتسيالىق ءبىلىم بەرۋ باعدارلاماسى ەنگىزىلمەك
بۇل جايىندا ءماجىلىس دەپۋتاتتارىنىڭ ساۋالىنا ۇكىمەت باسشىسى ءاليحان سمايىلوۆتىڭ جاۋابىندا ايتىلعان، دەپ حابارلايدى قازاقپارات ءتىلشىسى.
«پەداگوگيكالىق جوعارى جانە جوعارى وقۋ ورنىنان كەيىنگى ءبىلىم ۇيىمدارى ءبىلىم بەرۋ باعدارلامالارىن ۇنەمى وزەكتەندىرەدى. ايتالىق، ۇزدىك الەمدىك تاجىريبەنى ەسكەرە وتىرىپ، ءبىلىم بەرۋ باعدارلامالارىنىڭ 73 پايىزى جاڭارتىلدى. 2023-2024-جىلىندا دۇنيەجۇزىلىك بانكتىڭ «پەداگوگيكالىق ءبىلىمنىڭ الەۋەتىن كۇشەيتۋ» جوباسى اياسىندا ازىرلەنگەن 30 يننوۆاتسيالىق ءبىلىم بەرۋ باعدارلاماسىن ەنگىزۋ جوسپارلانىپ وتىر»، - دەپ اتاپ وتەدى پرەمەر-مينيستر جاۋابىندا.
ءاليحان سمايىلوۆ بولاشاق پەداگوگتەردىڭ تاجىريبەلىك دايىندىعىن كۇشەيتۋ ءۇشىن پەداگوگيكالىق جوعارى جانە جوعارى وقۋ ورنىنان كەيىنگى ءبىلىم ۇيىمدارى مەكتەپكە دەيىنگى، جالپى ورتا، تەحنيكالىق جانە كاسىپتىك ءبىلىم بەرۋ ۇيىمدارىمەن 200 دەن استام كەلىسىمشارت جاساسقانىن اتاپ وتەدى.
«ستۋدەنتتەردىڭ تاجىريبەگە باعدارلانعان ءبىلىم الۋىن، سونىمەن قاتار 1 دەن 4- كۋرسقا دەيىن تاجىريبەنىڭ بارلىق ءتۇرى بويىنشا تالىمگەرلەرگە ەڭبەكاقى تولەۋدى قاراستىراتىن پەداگوگيكالىق تاجىريبە جۇرگىزۋ جونىندەگى جاڭا ادىستەمەلىك ۇسىنىم بەكىتىلدى»، - دەدى ۇكىمەت باسشىسى.
