جىل باسىنان بەرى قازاقستان مەن قىتاي اراسىنداعى جۇك اينالىمى 30 پايىزدان ارتقان

الماتى. قازاقپارات - وتكەن جىلى قازاقستان مەن قىتاي اراسىنداعى جۇك اينالىمى ەڭ جوعارى دەڭگەيگە جەتتى.

بۇل تۋرالى الماتىدا وتكەن كولىك-لوگيستيكا الەۋەتىن دامىتۋ جونىندەگى بيزنەس-كونفەرەنسيادا «قازاقستان تەمىر جولى» ۇلتتىق كومپانياسى ءتوراعاسىنىڭ ورىنباسارى ەرلان قويشىبايەۆ ايتتى، دەپ حابارلايدى قازاقپارات ءتىلشىسى.

ەرلان قويشىبايەۆتىڭ ايتۋىنشا، سوڭعى بەس جىلدا كونتەينەرلىك ترانزيت ءۇش ەسەگە ءوسىپ، 1 ميلليوننان استام جيىرما فۋتتىق ەكۆيۆالەنتكە (ج ف ە) جەتكەن. نەگىزگى ءوسىم قىتاي - ەۋروپا - قىتاي باعىتىندا بولدى.

«2022 -جىلى قازاقستان مەن قىتاي اراسىنداعى جۇك اينالىمى تاريحتا العاش رەت ەڭ جوعارى دەڭگەيگە - 23 ميلليوننان استام تونناعا جەتتى. بيىل دا ءوسۋ قارقىنى ساقتالۋدا. العاشقى ءۇش ايدا ەكى ەل اراسىنداعى جۇك اينالىمى %30 دان ارتتى. ەگەر قازاقستاننىڭ قىتايعا جونەلتىلگەن جەكە ەكسپورتىن ايتار بولساق، ول ءبىرىنشى توقساندا %53 عا ءوستى. ءبىز جۇك اينالىمىنىڭ ارى قارايعى ءوسۋ الەۋەتىن بايقاپ وتىرمىز، وسى باعىتتا قارقىندى جۇمىس ىستەيتىن بولامىز»، - دەدى ق ت ج ءتوراعاسىنىڭ ورىنباسارى.

ق ت ج باسپا ءسوز قىزمەتىنىڭ مالىمەتىنشە، بيىلعى جىلدىڭ ءبىرىنشى توقسانىندا جۇكتى ترانزيتتىك تاسىمالداۋ كولەمى 2022 -جىلدىڭ ۇقساس كورسەتكىشىنەن %35 ەسە ءوسىپ، 7,2 ميلليون توننانى قۇرادى. ونىڭ ىشىندە كونتەينەرلىك تاسىمال %19 عا ءوسىپ، 313 مىڭ ج ف ە-گە جەتتى.