سەمەيدە 30 جىل ءبىر-ءبىرىن كورمەگەن اكە مەن بالا قاۋىشتى

استانا. قازاقپارات - سەمەيدە 30 جىل ءبىر-ءبىرىن كورمەگەن اكە مەن بالا قاۋىشتى، - دەپ حابارلايدى Polisia.kz.

ۆەدومستۆو مالىمەتىنشە، پاۆلودار تۇرعىنى ۇزاق ۋاقىت بويى اكەسىن كورمەگەن. جىگىت 2 جاستا بولعاندا، اتا-اناسى اجىراسىپ كەتكەن. ال ول اناسىمەن بىرگە پاۆلودارعا كوشىپ كەتكەن. قازىرگە دەيىن ول سوندا تۇرادى. جىگىت ءوزىنىڭ بالا ارمانىن ورىنداپ، اكەسىن قايتا كورۋگە شەشىم قابىلداپ، سەمەي پوليتسەيلەرىنەن كومەك سۇراعان.

اۋەزوۆ پوليتسيا ءبولىمىنىڭ ۋچاسكەلىك ينسپەكتورى ءادىل بايمۋرزين ىزدەۋ جۇمىستارىن ۇيىمداستىرىپ، ەر ادام ورنالاسقان جەردى انىقتاعان. ونىڭ اكەسى بۇرىنعى مەكەن جايدا تۇرمايتىن بولىپ شىققان، ول پاتەرىن ساتىپ، شارۋا قوجالىعىنا جۇمىس ىستەۋگە كوشكەنى بەلگىلى بولعان.