اقتاۋدا كوپ قاباتتى ۇيدەن ءورت شىعىپ، 30 ادام ەۆاكۋاتسيالاندى

جالىننىڭ اۋماعى سالىستىرمالى تۇردە شاعىن بولعانىمەن، 5 شارشى مەتر، قۇتقارۋشىلار باسپالداق بويىمەن 30 ادامدى ەۆاكۋاتسيالادى، ونىڭ ىشىندە 10 بالا بار. 23-07-دە ءورت ءسوندىرىلدى. زارداپ شەككەندەر جوق.

مامانداردىڭ قورىتىندىسىنا سايكەس، ءورتتىڭ الدىن الا سەبەبى - ەلەكتر سىمدارىنىڭ قىسقا تۇيىقتالۋىنان. قىسقا تۇيىقتالۋدىڭ دا بىرنەشە سەبەبى بار ەكەنىن ەسكەرۋ قاجەت. مىسالى، وقشاۋلاۋ ساپاسىنىڭ تومەندىگى، سىمداردى دۇرىس وتكىزبەۋ، سىمدار مەن ەلەكتر قۇرىلعىلارىنىڭ قوسىلىمىنداعى ناشار بايلانىس.

تاعى ءبىر سەبەپ ناشار ەلەكتر سىمدارى بار ەلەكتر قۇرىلعىلارىن پايدالانۋ سالدارىنان وقشاۋلاۋدىڭ قىزىپ كەتۋى جانە بۇزىلۋى بولۋى مۇمكىن.

«شامادان تىس جۇكتەمەنى بولدىرماۋ ءۇشىن ولاردىڭ جالپى قۋاتى ءاربىر ەلەكتر جەلىسىنىڭ نومينالدى قۋاتىنان اسپايتىنداي ەلەكتر قۇرىلعىلارىن قوسۋ قاجەت. سونىمەن قاتار بەلگىلى ءبىر ەرەجەلەردى ساقتاۋ كەرەك: وقشاۋلاۋى جەتكىلىكسىز ەسكى سىمداردى پايدالانباڭىز؛ قورعانىش ءوشىرۋ قۇرىلعىلارىن ورناتىڭىز؛ روزەتكالار مەن اجىراتقىشتاردىڭ جاعدايىن ۇنەمى باقىلاڭىز، قاجەت بولسا دەرەۋ اۋىستىرىڭىز، زاقىمدالعان ەلەكتر قۇرىلعىلارىن پايدالانباڭىز. وسى قاراپايىم ەرەجەلەردى ساقتاۋ قىسقا تۇيىقتالۋ قاۋپىن ايتارلىقتاي ازايتادى»، - دەپ جازدى ايماقتاعى توتەنشا جاعداي دەپارتامەنتىنەن.