قازاقستان ب ۇ ۇ- داعى سيفرلانۋ دەڭگەيى جوعارى 30 ەلدىڭ قاتارىندا – پرەزيدەنت
«قازىرگى ۋاقىتتا IT تەحنولوگيالاردى دامىتۋسىز مەملەكەتتىڭ تۇراقتى ەكونوميكالىق ىلگەرىلەۋى مۇمكىن ەمەس. ساراپشىلاردىڭ بولجامىنشا، 10 جىلدان كەيىن الەمدەگى ونىمدەر مەن قىزمەتتەردىڭ %70 سيفرلىق پلاتفورمالىق مودەلدەرگە نەگىزدەلەدى. مۇنداي جاعدايدا قازاقستان تسيفرلاندىرۋعا قاتىستى ايماقتاعى، ءتىپتى ەۋرازيالىق كەڭىستىكتەگى جەتەكشى ەلدەردىڭ ءبىرى بولۋ ستراتەگيالىق مىندەتىن العا قويدى. قازىر قازاقستان ب ۇ ۇ- عا مۇشە سيفرلانۋ دەڭگەيى جوعارى 30 ەلدىڭ قاتارىنا كىرەدى، بۇل ماسەلەگە ەرەكشە كوڭىل بولىنەدى»، - دەدى مەملەكەت باسشىسى.
ق ر پرەزيدەنتىنىڭ ايتۋىنشا، قازاقستان وسى سالادا بەلسەندى ءوزارا ءىس- قيمىل جاساۋعا جانە تاجىريبە الماسۋعا دايىن.
«استانا» حالىقارالىق قارجى ورتالىعى وڭىرلىك جوبالارعا تىكەلەي جانە پورتفەلدىك ينۆەستيتسيالاردى ىنتالاندىرۋ ءۇشىن ءتيىمدى پلاتفورما بولا الادى. ا ح ق و الەمدىك قارجى ينستيتۋتتارىنىڭ ۇزدىك تاجىريبەسى مەن جاڭا قۇرالدارىن قامتيدى. ورتالىقتا 64 ەلدەن 1400 دەن استام كومپانيا تىركەلگەن»، - دەدى ق. توقايەۆ.
