قىتايدىڭ وڭتۇستىگىندە كۇن كۇرت سۋىتىپ، 30 مىڭ ادام زارداپ شەكتى

ناننين. سينحۋا - قازاقپارات - دۇيسەنبى، ساعات 17:00 دەگى جاعداي بويىنشا گۋانسي-چجۋان اۆتونومدى اۋدانىندا (گ چ ا ر، وڭتۇستىك قىتاي) اۋا تەمپەراتۋراسىنىڭ تومەندەۋىنەن جانە ايازدان 30 مىڭ ادام زارداپ شەكتى.

بۇل تۋرالى سەيسەنبى كۇنى توتەنشە جاعدايلار باسقارماسى اۋداندىق ۆەدومستۆوسىنان ءمالىم ەتتى، دەپ حابارلايدى قازاقپارات سينحۋا اگەنتتىگىنە سىلتەمە جاساپ.

زاقىم كەلگەن اۋىلشارۋاشىلىق جەرى 196 گەكتاردان اسادى، سونىڭ ىشىندە 7 گەكتارى تولىقتاي قۇرتىلعان.

18- اقپاننان باستاپ گ چ ا ر- دىڭ باسىم بولىگىندە نوسەر جاۋعان. كەيبىر تاۋلى اۋدانداردا تاسجول تايعاق بولعان، قار ارالاس جاڭبىر جاۋعان.

ۆەدومستۆونىڭ مالىمەتىنشە، توعىز قالادا جانە 23 اۋداندا قولايسىز اۋا رايىنان كەلتىرىلگەن زاقىم 25,8 ميلليون يۋاندى (4 ميلليون ا ق ش دوللارى) قۇراعان.