قازاقستان تاۋەلسىزدىگىنىڭ 30 جىلدىعىنا وراي بەيجىڭدە فوتوكورمە ءوتىپ جاتىر
بۇل تۋرالى قازاقپارات سىرتقى ىستەر مينيسترلىگىنە سىلتەمە جاساپ حابارلايدى.
ءىس- شارانىڭ قوناقتارى قىتايدىڭ ورتالىق مەملەكەتتىك ورگاندارى، اكادەميالىق توپتارى، عىلىمي- زەرتتەۋ قۇرىلىمدارى مەن ب ا ق وكىلدەرى بولدى.
قازاقستاننىڭ قىتايداعى ۋاقىتشا سەنىمدى وكىلى مۇرات مۇقىشيەۆ ءوز سوزىندە كورمەدە ۇسىنىلعان فوتوسۋرەتتەر ەلىمىزدىڭ تاۋەلسىزدىك جىلدارىنداعى تاريحىن، ق ر تۇڭعىش پرەزيدەنتى - ەلباسى ن. نازاربايەۆتىڭ مەملەكەتتىڭ قالىپتاسۋىنداعى تاريحي ءرولىن، پرەزيدەنت ق. توقايەۆتىڭ اعىمداعى رەفورمالارىن، قازاقستاننىڭ حالىقارالىق پروبلەمالاردى، ونىڭ ىشىندە ورنىقتى دامۋ، ۇلتارالىق جانە كونفەسسياارالىق كەلىسىم، قاۋىپسىزدىكتى نىعايتۋ سالالارىنداعى ۇلەسىن كورسەتەتىنىن اتاپ ءوتتى.
قىتاي حالىقارالىق الماسۋ جاستار ورتالىعى ءتوراعاسىنىڭ ورىنباسارى چجان حۋا فوتوكورمە قىتاي اۋديتورياسىنىڭ ەرەكشە قىزىعۋشىلىعىن تۋدىراتىنىن باسا ايتتى، ويتكەنى ۇسىنىلعان فوتوسۋرەتتەر قىتايدىڭ دوستاس كورشىسى - تاۋەلسىز قازاقستاننىڭ قالىپتاسۋ تاريحىن بارىنشا كورسەتەتىنىن ەرەكشە اتاپ ءوتتى. فوتوسۋرەتتەر جاندى شىنايى ەموتسيالاردى تۋدىرادى، سەرپىندى وزگەرىستەردى باستان كەشىرىپ جاتقان ەلىمىزدىڭ ومىرىندەگى ماڭىزدى تاريحي ساتتەردىڭ كوڭىل- كۇيى مەن اتموسفەراسىن اشادى. فوتوكورمە 20-جەلتوقسانعا دەيىن جالعاسادى.
