تاۋەلسىزدىكتىڭ 30 جىلدىعى الماتى مەن نۇر- سۇلتاندا قالاي تويلانادى؟
رەداكسيانىڭ ساۋالىنا جاۋاپ رەتىندە الماتى قالاسى اكىمدىگىنىڭ مادەنيەت باسقارماسى قازاقستان تاۋەلسىزدىگىنىڭ 30 جىلدىعىن مەرەكەلەۋگە وراي قالادا مەرەكەلىك بەزەندىرۋ، بيلبوردتار، مەديابوردتار، LED ەكراندار ورناتۋ، مەترو ستانسيالارىندا جانە «دجامبو» (رەسپۋبليكا الاڭىنداعى ەكران) كونسترۋكسيالارىن، سونداي-اق شاعىن ساۋلەت نىساندارىن ورناتۋ جوسپارلانعانىن حابارلادى. مەرەكەلىك قۇرىلىمدار ادام كوپ جينالاتىن جەرلەردە ورناتىلادى.
نۇر-سۇلتان قالاسىنىڭ اكىمدىگى تاۋەلسىزدىك كۇنىنە وراي الەۋمەتتىك نىساندار اشىلاتىنىن مالىمدەدى: 20 مىڭنان اسا وقۋشىعا ارنالعان جەتى مەكتەپ، 2,5 مىڭ الەۋمەتتىك كوپپاتەرلى تۇرعىن ءۇي كەشەنى (قولجەتىمدى باسپانا)، ۇلەستىك قۇرىلىستىڭ توعىز نىسانى - 2400 ۇلەسكەر وتباسىنا.
«بۇدان باسقا، قازاقستان رەسپۋبليكاسىنىڭ تاۋەلسىزدىك كۇنىنە وراي قالانى بەزەندىرۋ تۇجىرىمداماسى اياسىندا ەلىمىز ءۇشىن ماڭىزدى وقيعانى كورنەكى تۇردە كورسەتۋ جانە مەرەكەلىك اتموسفەرا قۇرۋ ماقساتىندا باننەرلەردىڭ ەسكيزدەرى جارنامالىق كونسترۋكتسيالاردا، پاننولاردا ورنالاستىرىلادى، سونداي- اق جارىقتاندىرۋ تىرەكتەرىنە تۋلار ىلىنەدى. تاۋەلسىز قازاقستاننىڭ جەتىستىكتەرىن كورسەتەتىن تاقىرىپتىق بەينەروليكتەر 15 LED ەكراندا جانە 50 قالالىق ديسپلەيدە، سونداي-اق « نۇر جول « ۆوكزالىنىڭ ەكراندارىندا، نازاربايەۆ حالىقارالىق اۋەجايىنىڭ تەرمينالدارىندا عيمارات ىشىندە دە، اۋماعىندا دا، « ق ت ج « ا ق، مينيسترلىكتەر ءۇيى جانە ت. ب. كورسەتىلەدى»، - دەدى نۇر-سۇلتان اكىمدىگى وكىلدەرى.
مادەنيەت باسقارماسى مالىمەتىنشە، تاۋەلسىزدىك كۇنىنە وراي كەلەسى ءىس-شارالار وتكىزىلەدى:
ە. راحماديەۆا اتىنداعى مەملەكەتتىك اكادەميالىق فيلارمونيادا 2021 -جىلدىڭ 8-جەلتوقسانىندا تاۋەلسىزدىكتىڭ 30 جىلدىعىنا ارنالعان «سارىارقا» جانە «دۋماندى ەل» فولكلورلىق انسامبلىنىڭ كونسەرتى؛
2021 -جىلدىڭ 13-14-جەلتوقسانىندا «ناز» مەملەكەتتىك بي تەاترىندا قازاقستان رەسپۋبليكاسى تاۋەلسىزدىگىنىڭ 30 جىلدىعىنا ارنالعان «تاۋەلسىزدىك ەلىنىڭ ەرلىك جولى» اتتى كونسەرتتىك باعدارلاما؛
2021 -جىلعى 16-17-جەلتوقساندا ەلوردالىق «استانا» سيركىندە قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە ارنالعان مەرەكەلىك باعدارلاما؛
2021 -جىلدىڭ 17-جەلتوقسانىندا «جاستار» سارايىندا «مەنىڭ وتانىم - قازاقستان!» كونسەرتتىك باعدارلاماسى؛
2020 -جىلدىڭ 14-جەلتوقسانىندا ساكەن سەيفۋللين مۋزەيىندە «قاسيەتىنەن اينالدىم - تاۋەلسىزدىك» اتتى ادەبي كەش؛
2021 -جىلدىڭ 1-جەلتوقسانىندا «الجير» ساياسي قۋعىن- سۇرگىن جانە توتاليتاريزم قۇرباندارىنىڭ مۇراجاي- مەموريالدىق كەشەنىندە قازاقستان رەسپۋبليكاسى تۇڭعىش پرەزيدەنتىنىڭ قىزمەتىنە ارنالعان «كوشباسشىلىققا 30 جىل» تاقىرىبىندا سلايدتار سۇيەمەلدەۋىمەن كورمە؛
جاس كورەرمەندەرگە ارنالعان مۋزىكالىق تەاتردا «شانەل №5» سپەكتاكلىنىڭ پرەمەراسى جوسپارلانعان.
بۇعان دەيىن الماتى مەن نۇر-سۇلتان اكىمدىكتەرىندە جاڭاجىلدىق مەرەكەلەردە قالا قالاي بەزەندىرىلەتىنىن ايتقان بولاتىن.
