پرەزيدەنتتىك كادر رەزەرۆى: 30- قىركۇيەكتە تىركەۋ اياقتالادى
بۇل تۋرالى ق ر مەملەكەتتىك قىزمەت ىستەرى اگەنتتىگىنىڭ باسپا ءسوز قىزمەتى مالىمەت تاراتتى.
«قۇجاتتاردى قابىلداۋ 1- قىركۇيەكتە ونلاين رەجيمدە pkrezerv.gov.kz پلاتفورماسىندا باستالعان بولاتىن. مەملەكەت باسشىسىنىڭ تاپسىرماسى بويىنشا، بيىل پرەزيدەنتتىك جاستار كادرلىق رەزەرۆىنە 50 جاس مامان ىرىكتەلەدى. مۇنداعى ماقسات - جاۋاپكەرشىلىكتى ءوز موينىنا الۋعا دايىن جانە قيىننان قيىستىرىپ، ءتيىمدى شەشىم قابىلداۋدان قورىقپايتىن، ەڭ باستىسى، قوعام مۇددەسىن باسشىلىققا الاتىن جاس تالانتتاردى انىقتاپ، مەملەكەتتىك قىزمەتكە تارتۋ»، - دەپ جازادى اگەنتتىكتىڭ باسپا ءسوز قىزمەتى.
ايتا كەتۋ كەرەك، كونكۋرسقا 35 جاستان اسپاعان، جوعارى ءبىلىمى، كەمىندە بەس جىل جۇمىس ءوتىلى بار، مەملەكەتتىك ءتىلدى كەمىندە ورتا دەڭگەيدە مەڭگەرگەن قازاقستان ازاماتتارى قاتىسا الادى.
رەسمي ورگان مالىمەتى بويىنشا، بۇگىندە رەزەرۆكە مۇشەلىككە وتكىسى كەلەتىن 329 ايەل مەن 662 ەر ادامنان 991 ءوتىنىم كەلىپ تۇسكەن.
ازىرگە نيەت بىلدىرۋشىلەردىڭ سانى بويىنشا نۇر-سۇلتان جاستارى الدا تۇر - 198 ادام. ەكىنشى ورىندا 166 ۇمىتكەرمەن الماتى وبلىسى تۇرسا، الدىڭعى ۇشتىكتى 129 ءوتىنىش جولداعان قوستاناي وبلىسى تۇيىندەگەن.