21:46, 25 - تامىز 2021 | GMT +6
ۆەنادا سەمەي پوليگونىنىڭ جابىلۋىنىڭ 30 جىلدىعىنا ارنالعان كورمە اشىلدى
ۆەنا. قازاقپارات - سەمەي يادرولىق پوليگونىنىڭ جابىلۋىنىڭ 30 جىلدىعىنا ارنالعان ءىس-شارالار اياسىندا ۆەناداعى ب ۇ ۇ عيماراتىنىڭ ورتالىق زالىندا تاقىرىپتىق كورمە اشىلدى.
بۇل تۋرالى قازاقپارات ق ر س ءى م باسپا ءسوز قىزمەتىنە سىلتەمە جاساپ حابارلايدى.
وندا بىرەگەي فوتوسۋرەتتەر، تاريحي قۇجاتتاردىڭ، ونىڭ ىشىندە قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ پوليگوندى جابۋ تۋرالى جارلىعىنىڭ، كوشىرمەلەرى، سونىمەن قاتار اتالعان تاقىرىپ بويىنشا بالالاردىڭ سۋرەتتەرى ۇسىنىلعان.
كورمەدە پوليگوننىڭ قىزمەتىنە جانە جابىلۋىنا قاتىستى بەينەروليكتەر مەن سيرەك كەزدەسەتىن فوتوسۋرەتتەر، سونىمەن بىرگە پوليگون تاريحىن ەگجەي-تەگجەيلى باياندايتىن بريتاندىق رەجيسسەر اندرە سينگەردىڭ «جەل قايدان سوققان ەدى» اتتى دەرەكتى فيلمى كورسەتىلۋدە.