ق ر تاۋەلسىزدىگىنە 30 جىل: قانداستار اراسىندا شاعىن فۋتبولدان تۋرنير ءوتتى
5G CYBER SPORT كلۋبى ۇيىمداستارىعان تۋرنيرگە ەلىمىزدىڭ 12 وبلىسىندا تۇرىپ جاتقان قانداستارىمىز ءبىر-ءبىر كوماندا دايىنداپ، 12 كوماندا ءوزارا مىقتىنى انىقتادى.
ناتيجەسىندە ءبىرىنشى ورىندى الماتىلىق «بىرلىك كەرۋەن» كومانداسى قانجىعاسىنا بايلادى. ەكىنشى ورىنعا استانالىق «5G CYBER ARENA» كوانداسى يە بولسا، ۇزدىك ءۇشىنشى ورىندى تاعى ءبىر الماتىدان كەلگەن «باق اسمار» كومانداسى جەڭىپ الدى.
جەڭىمپاز كوماندالار تيىسىنشە، كۋبوكتارمەن قاتار 500 مىڭ، 300 مىڭ جانە 150 مىڭ تەڭگە كولەمىندە اقشالاي سىياقىعا يە بولدى.
جارىس سوڭىندا جەڭىمپاز كوماندالاردى ماراپاتتاۋ ساتىندە «5G CYBER ARENA» كلۋبىنىڭ ديرەكتورى تالعات لازات بۇل تۋرنيردىڭ باستى ماقساتى مەن ماڭىزىنا توقتالىپ ءوتتى.
«مىنە، بيىل ەلىمىزدىڭ تاۋەلسىزدىگىنە 30 جىل! ەل بولىپ وسى ايتۋلى مەرەكەنى تويلاپ جاتىر. وسى قىسقا ۋاقىتتا ەلىمىزگە شەت ەلدەردە تۇراتىن ميلليونداي قانداسىمىز كەلىپ ورالدى. ءبىزدىڭ بۇگىنگى جارىسىمىزدىڭ باستى ماقساتى - وسى تاۋەلسىزدىكتىڭ 30 جىلدىعىن اتاپ ءوتۋ. تاۋەلسىزدىكتىڭ قادىر قاسيەتىن ءبىلۋ. سونداي-اق، سالاۋاتتى ءومىر سالتىن ۇستانىپ، جاستارىمىزعا سپورتپەن شۇعىلدانۋدى ناسيحاتتاۋ»، - دەپ اتاپ ءوتتى ول.
اۆتور: كۇنسۇلتان وتارباي
