قازگيدرومەت: 30-ناۋرىز كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، قازاقستان ارقىلى ءالى دە اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە كۇن قۇبىلمالى بولادى.
كەي جەرلەردە جاۋىن جانە جاڭبىر ارالاس قار جاۋادى. تەك ەلىمىزدىڭ باتىسى عانا جوعارعى اتموسفەرالىق قىسىم اۋماعىندا بولعاندىقتان بۇل وڭىردە جاۋىن-شاشىن بولمايدى.
رەسپۋبليكانىڭ كەي جەرلەرىنە تۇمان ءتۇسىپ، كوكتايعاق بولىپ، جەل كۇشەيەدى، سولتۇستىكتە جەلمەن قاتار جاياۋ بۇرقاسىن بولادى.
اقمولا وبلىسىنىڭ كەي جەرلەرىندە تۇمان ءتۇسىپ، كوكتايعاق بولادى، تۇندە جانە تاڭەرتەڭ جەل 15-20 م/س جىلدامدىقپەن سوعادى، جاياۋ بۇرقاسىن بولادى.
تۇركىستان، جامبىل وبلىستارىنىڭ كەي جەرلەرىندە تۇمان ءتۇسىپ، جەل 15-20 م/س جىلدامدىقپەن ەسەدى، جامبىل وبلىسىندا كوكتايعاق بولادى.
الماتى، قوستاناي، سولتۇستىك قازاقستان، قاراعاندى، شىعىس قازاقستان وبلىستارىنىڭ كەي جەرلەرىنە تۇمان ءتۇسىپ، كوكتايعاق بولادى.
پاۆلودار وبلىسىنىڭ كەي جەرلەرىندە جاياۋ بۇرقاسىن، تۇندە كەي جەرلەردە جەل 15-20 م/س- كە دەيىن كۇشەيەدى.
ماڭعىستاۋ، اتىراۋ، باتىس قازاقستان، قىزىلوردا وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىنىڭ كەي جەرلەرىندە تۇمان ءتۇسىپ، تۇندە قىزىلوردلا وبلىسىندا كوكتايعاق بولۋى ىقتيمال.
