قازاقستان تاۋەلسىزدىگىنىڭ 30 جىلدىعى: مەرەيتويلىق توسبەلگى ازىرلەنىپ جاتىر

«قازاقستان رەسپۋبليكاسى تاۋەلسىزدىگىنىڭ 30 جىلدىعى قۇرمەتىنە ارنالعان مەرەكەلىك مەدال تۋرالى» قازاقستان رەسپۋبليكاسىنىڭ پرەزيدەنتى جارلىعىنىڭ جوباسى قازاقستان رەسپۋبليكاسى پرەزيدەنتىنىڭ قاراۋىنا ەنگىزىلسىن»، - دەلىنگەن قۇجاتتا.

سونداي- اق قۇجاتتا مەرەيتويلىق مەدالمەن ماراپاتتاۋ ەرەجەسى كورسەتىلگەن. ەرەجەگە سايكەس، مەرەيتويلىق مەدال قازاقستان رەسپۋبليكاسىنىڭ ازاماتتارى مەن قازاقستان رەسپۋبليكاسىنىڭ مەملەكەتتىلىگىن قالىپتاستىرۋعا، ەگەمەندىگىن نىعايتۋعا جانە الەۋمەتتىك- ەكونوميكالىق دامۋىنا زور ۇلەس قوسقان شەتەلدىك ازاماتتارعا بەرىلەدى. مەرەيتويلىق مەدالمەن ماراپاتتاۋعا ۇسىنىستاردى قازاقستان رەسپۋبليكاسىنىڭ پرەزيدەنتىنە پارلامەنت، ۇكىمەت، مينيسترلىكتەر، قازاقستان رەسپۋبليكاسىنىڭ باسقا دا ورتالىق مەملەكەتتىك ورگاندارى، نۇر- سۇلتان، الماتى جانە شىمكەنت قالالارىنىڭ اكىمدەرى، وبلىستار، سونىمەن قاتار قوعامدىق ۇيىمدار بەرە الادى.

مەرەيتويلىق مەدالدى قازاقستان رەسپۋبليكاسىنىڭ پرەزيدەنتى تابىستايدى. سونداي- اق قازاقستان رەسپۋبليكاسى پرەزيدەنتىنىڭ اتىنان مەرەيتويلىق مەدالدى: قازاقستان رەسپۋبليكاسىنىڭ مەملەكەتتىك حاتشىسى؛ وبلىستاردىڭ، نۇر- سۇلتان، الماتى جانە شىمكەنت قالالارىنىڭ اكىمدەرى، سونداي- اق مەملەكەت باسشىسى ۋاكىلەتتىك بەرگەن باسقا دا لاۋازىمدى ادامدار تابىستاي الادى. مەرەيتويلىق مەدالمەن بىرگە ونىڭ قۇجاتى دا بەرىلەدى.

قۇجاتتى تالقىلاۋ 25- ناۋرىزعا دەيىن ۇسىنىلدى. «اقپارات جانە قوعامدىق دامۋ مينيسترلىگى «قازاقستان رەسپۋبليكاسى تاۋەلسىزدىگىنىڭ 30 جىلدىعى قۇرمەتىنە ارنالعان مەرەكەلىك مەدال تۋرالى» قازاقستان رەسپۋبليكاسى پرەزيدەنتى جارلىعىنىڭ جوباسى رەسمي ينتەرنەت- رەسۋرسىندا جانە «اشىق ن قا» ينتەرنەت- پورتالىندا ورنالاستىرىلعاندىعىن حابارلايدى. وسىعان بايلانىستى مينيسترلىك اتالعان جوبانى تالقىلاۋعا شاقىرادى»، - دەلىنگەن مينيسترلىك حابارلاماسىندا.