تاۋەلسىزدىكتىڭ 30 جىلدىعىن مەرەكەلەۋ بويىنشا رەسپۋبليكالىق ءىس- شارالار جوسپارى بەكىتىلدى
«تاۋەلسىزدىكتىڭ 30 جىلدىعىن مەرەكەلەۋ جونىندەگى جالپى رەسپۋبليكالىق ءىس- شارالار جوسپارى بەكىتىلدى. مەملەكەت باسشىسى تاۋەلسىزدىكتىڭ 30 جىلدىعىن مەرەكەلەۋ كەزىندە ىسىراپشىلدىققا جول بەرمەۋ كەرەكتىگىن، ءاربىر ءىس- شارا ەلگە پايدا اكەلەتىن ناقتى قادامدارمەن بايلانىستى بولۋى ءتيىس ەكەنىن اتاپ وتكەنىن بىلەسىزدەر. وسىعان بايلانىستى، مەرەكەلەۋگە يدەولوگيالىق تۇرعىدان كەلۋىمىز كەرەك. مەرەيتويلىق ءىس- شارالاردى مادەنيەت، ارحيۆ، سپورت جانە تۋريزم ينفراقۇرىلىمىن دامىتۋعا باعىتتاعانىمىز ءجون. جوسپاردىڭ ءىس- شارالارى ۇلتتىق مادەنيەتتى ىلگەرىلەتۋگە، سالت- ءداستۇردى جانداندىرۋعا، سالاۋاتتى ءومىر سالتىن ناسيحاتتاۋعا، بۇقارالىق سپورتتى، ونىڭ ىشىندە ۇلتتىق سپورت تۇرلەرىن دامىتۋعا باعدارلانۋى ءتيىس»، - دەدى اقتوتى رايىمقۇلوۆا مينيسترلىكتىڭ القا ماجىلىسىندە.
ەسكە سالا كەتسەك بۇعان دەيىن قاسىم- جومارت توقايەۆ تاۋەلسىزدىكتىڭ 30 جىلدىعىن اتاپ وتكەندە ارتىق ىسىراپشىلدىققا جول بەرمەۋ كەرەكتىگىن ەسكەرتكەن ەدى.
اۆتور: ايان بەكەن ۇلى