30 - قاڭتار. قازاقپارات كۇنتىزبەسى
اتاۋلى كۇندەر
مەكتەپتەردە بەيبىتشىلىك جانە كۇش قولدانباۋ كۇنى 1964 -جىلى يسپان اقىنى، ءمۇعالىم جانە پاتسيفيست لورەنتسو ۆيدال بۇل كۇندى بەكىتۋگە باستاماشىلىق ەتكەن. وسى كۇندى اتاپ وتۋگە ءتۇرلى ەلدەردەگى ءبىلىم بەرۋ مەكەمەلەرى، ۇستازدار مەن وقۋشىلار قاتىسا الادى.
ەستە قالار وقيعالار
1976 -جىلى بوزاشى بولىگىنىڭ سولتۇستىك ەڭىسىندە ورنالاسقان قالامقاس مۇناي- گاز كەنىشى اشىلدى. 1976 -جىلى ب ا-15ن جەڭىل ءوزى جۇرەتىن بۇرعىلاۋ ستانوگى قاتتى ايازدا قالامقاس ءۇستىرتىنىڭ سولتۇستىك قاناتىنا جەتكىزىلدى (بۇرعىلاۋ شەبەرى ا. ۆولوچيەۆ) .
1976 -جىلعى قاڭتاردىڭ 30-ىندا ك-1 سكۆاجيناسىنان 587 مەترلىك تەرەڭدىكتەن گاز شىقتى.
1979 -جىلعى تامىزدىڭ 23-ىندە ونەركاسىپتىك مۇناي- گاز شىعارىلا باستالدى، ال 1980 -جىلدىڭ قاڭتارىندا قالامقاس مۇنايىنىڭ ءبىرىنشى تانكەرى باكۋگە جىبەرىلدى. 2005 -جىلعى ماۋسىمنىڭ 6-ىندا «قالامقاسمۇنايگاز» ونەركاسىپتىك باسقارماسى كەنىشتەن ءجۇز ميلليون توننا مۇناي شىعاردى.
1992 -جىلى قازاقستان رەسپۋبليكاسى ەۋروپاداعى قاۋىپسىزدىك جانە ىنتىماقتاستىق ۇيىمىنا كىردى. وسى ۇيىمعا 2010 -جىلى قازاقستان ءتوراعالىق ەتىپ، 1-2 جەلتوقسان كۇندەرى استانا ءسامميتىن وتكىزدى.
2004 -جىلى رەسەي فەدەراتسياسىنىڭ ومبى قالاسىندا قازاقتىڭ ۇلى عالىمى، ەتنوگراف شوقان ءۋاليحانوۆقا ەسكەرتكىش ورناتىلدى. ەسكەرتكىش ومبىداعى شوقان ءۋاليحانوۆ اتىنداعى كوشەگە قويىلدى. ءمۇسىن اۆتورى - قازاقستان رەسپۋبليكاسى سۋرەتشىلەر وداعىنىڭ مۇشەسى، دوتسەنت ازات بايارلين.
2008 -جىلى شوقان ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتى ەۋروپالىق بيزنەس اسسامبلەياسىنىڭ «ەۋروپالىق ساپا» حالىقارالىق ماراپاتى بەرىلدى. بۇدان بولەك اتالعان وقۋ ورنىنىڭ رەكتورى، بەلگىلى عالىم- تۇركىتانۋشى شاكىر يبرايەۆ ەۋروپاداعى ينتەگراتسيانى دامىتۋعا قوسقان ۇلەسى ءۇشىن «بىرىككەن ەۋروپا» حالىقارالىق ماراپاتىنا يە بولدى.
2012 -جىلى پاريجدە قازاقستان رەسپۋبليكاسىنىڭ توتەنشە جانە وكىلەتتى ەلشىسى نۇرلان دانەنوۆ حالىقارالىق كورمەلەر بيۋروسىنىڭ (ح ك ب) باس حاتشىسى ۆيسەنتە گونسالەس لوسسەرتالەسكە قازاقستان رەسپۋبليكاسىنىڭ استانادا ەكسپو-2017 حالىقارالىق مامانداندىرىلعان كورمەسىن وتكىزۋگە ءوتىنىم دوسەسىن تاپسىردى.
2013 -جىلى الماتىدا قازاق حالىق ەرتەگىلەرى نەگىزىندە قۇراستىرىلعان انيماتسيالىق جيناقتىڭ تانىستىرىلىمى ءوتتى. جيناققا 85 سەريادان تۇراتىن «الدار كوسەنىڭ كوڭىلدى وقيعالارى»، «ءبىزدى قورشاعان الەم» سلايد- شوۋ تۇرىندەگى 50 ەرتەگى، 1000 سوزدەن تۇراتىن ورىسشا- قازاقشا يلليۋستراتسيالىق اۋديو- سوزدىك ەندى.
2013 -جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى ەۋروپالىق ۋنيۆەرسيتەتتەر قاۋىمداستىعىنا مۇشە بولدى.
2017 -جىلى فرانسيانىڭ البيەز قالاسىندا وتكەن ەۋروپا كۋبوگىنىڭ كەزەڭىندە شىعىسقازاقستاندىق فريستايلشى اياۋلىم امىرەنوۆا ايەلدەر اراسىندا بىرنەشە جۇلدەلى ورىنعا يە بولدى.
2018 -جىلى قازاقستاندا ق ر پرەزيدەنتى جانىنداعى تسيفرلاندىرۋدى ەنگىزۋ ماسەلەلەرى جونىندەگى كوميسسيا قۇرىلدى. ونىڭ مىندەتى - قازاقستانداعى سيفرلاندىرۋ مەن تسيفرلىق تەحنولوگيالار ەنگىزۋ ماسەلەلەرى بويىنشا ۇسىنىستار بەرۋ.
2018 -جىلى سەگىز جاسار اقتوبەلىك مۇسا تۇركىمبايەۆ تۋرنيكتە 42 رەت تارتىلىپ، قازاقستاننىڭ رەكوردتار كىتابىنا ەندى. مۇسانىڭ ەرەكشە قابىلەتتەرى ءۇش جاسىنان بايقالا باستاعان. ءبىر رەت تۋرنيككە تارتىلىپ كورگەن بالا، مۇنى ادەتكە اينالدىرعان.