قايىق اۋدارىلىپ، 30 ادام قازا تاپتى

بۇل تۋرالى قازاقپارات وڭتۇستىكافريكالىق SABC راديوستانساسىنا سىلتەمە جاساپ حابارلايدى.

«وقيعا 22-جەلتوقساننىڭ كەشىندە ورىن الدى. بۇل كەزدە بالىقشىلار اۋلاعان بالىقتارىن الىپ، جاعاعا شىعۋعا دايىندالىپ جاتقان. قايىقتىڭ ىشىندە 47 ادام بولدى، سونداي-اق بازاردا ساتۋعا ارنالعان بالىق تاسىمالدانعان. ايلاققا جاقىنداعان كەزدە، قايىق اۋدارىلىپ كەتكەن»، - دەپ مالىمدەدى رۋنگا كەنتىندەگى پورت قىزمەتكەرى اشراف ورومو.

ونىڭ ايتۋىنشا، 30 ادام قازا تاپقان، 12 ادام قۇتقارىلدى، قالعاندارى ءىز-ءتۇسسىز جوعالعان. البەرت كولى افريكادا كولەمى جاعىنان جەتىنشى ورىندا، ءنىل وزەنىنىڭ جوعارى جاعىنىڭ سۋ جۇيەسىنە كىرىپ وتىر. ول ۋگاندا مەن كونگو دەموكراتيالىق رەسپۋبليكاسىنىڭ شەكاراسىندا ورنالاسقان. كولدىڭ ۇزىندىعى - 160 شاقىرىم، ەنى - 30 شاقىرىم. تەرەڭدىگى - 51 مەتر.

اۆتور: زارينا تۋعانبايەۆا