كاسپي جاعالاۋىندا ەكى اپتادان بەرى ورتەنىپ جاتقان قامىسقا تىكۇشاقپەن 30 توننا سۋ سەبىلدى

كوميتەتتىڭ مالىمەتىنشە، شىمكەنت قالاسىنان بارعان «قازاۆياقۇتقارۋ» ا ق م ي-17 تىكۇشاعى وتقا ورانعان اۋماققا 3 توننادان 10 مارتە سۋ شاشتى. سونىمەن قاتار «قازاۆياقۇتقارۋ» ا ق «ەۆروكوپتەر145» تىكۇشاعىمەن جانۋ اۋماعىن بويلاي ۇشىپ شىقتى.

ەستەرىڭىزگە سالا كەتەيىك، اتىراۋ قالاسىنان 30 شاقىرىم قاشىقتا كاسپي تەڭىزىنىڭ جاعالاۋىندا قامىس جانىپ جاتىر. ەلدى مەكەندەرگە قاۋىپ جوق، ءورتتى ءسوندىرۋ جۇمىسى جالعاسۋدا. قىزىل جالىننىڭ وشاقتارى جەكە- جەكە ورنالاسقان. وقيعا ورنى - باتپاقتى، وسىمدىكتەرى بيىك. سونىڭ سالدارىنان ءتىلسىز جاۋدىڭ بەتىن قايتارۋ قيىنداپ وتىر. ول جەرگە ارنايى تەحنيكا وتە المايدى. بولجام بويىنشا، جالىن شارپىعان اۋماق - 110 گ ا. ءورتتى سوندىرۋگە اتىراۋ وبلىسى ت ج د، «قازاۆياقۇتقارۋ» ا ق، ورمان شارۋاشىلىعىنان، جەرگىلىكتى اتقارۋشى ورگانداردان 82 ادام، 23 تەحنيكا جانە 2 تىكۇشاق جۇمىلدىرىلدى.