كوروناۆيرۋستى 30 بالا جۇقتىرعان
قىرعىزستاندا كوروناۆيرۋس ينفەكسياسىنىڭ 280 جاعدايى راستالعان. ولاردىڭ 147 سى - ايەل، 133 ى - ەر ادام.
بۇل تۋرالى ۇكىمەت ۇيىندە وتكەن بريفينگىدە دەنساۋلىق ساقتاۋ ءمينيسترىنىڭ ورىنباسارى مادەمين كاراتايەۆ ءمالىم ەتتى، دەپ حابارلايدى قازاقپارات كابار اگەنتتىگىنە سىلتەمە جاساپ.
ونىڭ ايتۋىنشا، ولاردىڭ ىشىندە 15 جاسقا دەيىنگى 30 بالا بار، ەكەۋى - ءبىر جاسقا دەيىنگى ءسابي، 16 دان 19 جاسقا دەيىنگى - 11، 20 دان 35 جاسقا دەيىنگى - 71، 35 تەن 55 جاسقا دەيىنگى 101، 55 جاستان اسقان 67 ادام بار. سونداي-اق ۆەدومستۆونىڭ دەرەگى بويىنشا ەلدە 34 مەديتسينا قىزمەتكەرىنەن كوروناۆيرۋس راستالعان.
قىرعىزستاندا بۇگىن COVID-19 ۆيرۋسىن جۇقتىرعان تاعى 10 جاڭا وقيعا تىركەلدى. ەلدە كوروناۆيرۋس جۇقتىرعانداردىڭ جالپى سانى – 280 گە جەتكەن. ولاردىڭ 34 ى - مەديتسينا قىزمەتكەرى. 25 ادام ەمدەلىپ، اۋرۋحانادان شىعارىلدى. ءتورت ادام اۋرۋدان كوز جۇمدى.
