قازگيدرومەت: 30- جەلتوقسان كۇنى ەلىمىزدىڭ باسىم بولىگىندە قار جاۋادى

سونىڭ سالدارىنان رەسپۋبليكانىڭ باسىم بولىگىندە قار جاۋادى، وڭتۇستىكتە جاۋىن-شاشىن بولادى. بۇل تۋرالى قازاقپارات «قازگيدرومەت» ر م ك- نا سىلتەمە جاساپ حابارلايدى.

كاسىپورىن تارتقان مالىمەتتەرگە قاراعاندا، تەك ەلىمىزدىڭ باتىسىندا عانا كۇن جاۋىن-شاشىنسىز بولادى.

كەي جەرلەردە تۇمان ءتۇسىپ، كوكتايعاق بولىپ، جەل كۇشەيەدى، بۇرقاسىن بولۋى دا ىقتيمال.

شىعىس قازاقستان وبلىسىنىڭ ءبىرقاتار اۋماقتارىندا تۇمان ءتۇسىپ، بۇرقاسىن، جولدا كوكتايعاق بولادى. جەل 15-20 م/س- قا كۇشەيەدى، ەكپىنى 25 م/س جەل سوعادى.

اقمولا وبلىسىنىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولادى. تۇندە جانە تاڭەرتەڭ جەلدىڭ ەكپىنى 15-20 م/س- قا كۇشەيەدى.

الماتى، تۇركىستان، قىزىلوردا، ماڭعىستاۋ، اتىراۋ، اقتوبە وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى.

الماتى وبلىسىنىڭ الاكول اۋدانىندا جەل 17-22 م/س جىلدامدىقپەن ۇيتقيدى.

سولتۇستىك قازاقستان، پاۆلودار وبلىستارىنىڭ كەي جەرلەرىندە تۇمان ءتۇسىپ، بۇرقاسىن بولادى.

سولتۇستىك قازاقستان وبلىسىندا كۇندىز جەل 15-20 م/س- قا كۇشەيەدى.

قاراعاندى، جامبىل وبلىستارىنىڭ كەي جەرلەرىندە تۇمان ءتۇسىپ، كوكتايعاق، جاياۋ بۇرقاسىن بولادى.

جامبىل وبلىسىندا تۇندە جەلدىڭ جىلدامدىعى 15-20 م/س- قا جەتەدى.

باتىس قازاقستان، قوستاناي وبلىستارىنىڭ كەي جەرلەرىندە تۇمان تۇسەدى.