الەم ەلدەرىن ارالاعانى ءۇشىن 30 مىڭ دوللار جالاقى العان ارۋ جۇرتتى تاڭعالدىردى
بۇل تۋرالى Bigpicture.ru سايتىنا سىلتەمە جاساعان NUR. KZ حابارلايدى.
بويجەتكەن ThirdHome تۋريستىك كومپانياسىنا سۇرانىس جىبەرگەن 50 مىڭ ادامنىڭ ىشىنەن تاڭداپ الىنعان.
ونىڭ بۇل جۇمىسقا ورنالاسۋىنا فوتوگراف بولىپ جۇمىس ىستەگەن تاجىريبەسى مەن كوپ ساياحاتتاعانى اسەر ەتىپتى. سورەلل كونكۋرسقا دەيىن 40 ەلدى ارالاپ تاستاعان ەكەن.
سورەللدىڭ قىزىقتى كۇندەرى 13 اپتاعا جالعاسقان: شوتلاندياداعى قامالداردان باستالىپ، سيدنەيدە اياقتالىپتى.
12 قوناق ءۇيدىڭ ءارقايسىسىندا بويجەتكەن التى كۇننەن تۇنەپ شىققان ەكەن.
13 اپتادا ول باليگە، باگاماعا، فيدجي مەن موروككوعا، حورۆاتيا مەن كوستا-ريكاعا، يسپانيا، قىتاي مەن باسقا ەلدەرگە دە اياق تىرەپ ۇلگەرىپتى.
«ساياحاتتاۋ بارىسىندا مەن سۋرەتتەر مەن ۆيدەولاردى وڭدەپ، جازبالار جازۋىم قاجەت بولدى»، - دەيدى ول.
سورەللدىڭ ايتۋىنشا، وعان سۋرەتكە تۇسەتىن ورىن تاۋىپ، جاقسى كادرلار شىعارۋ، ونى قىزىقتى جازبامەن جەلىدە جاريالاۋ وتە قيىن بولعان.
سول سەبەپتى، ارۋ اۋەجايدا وتىرعاندى ۇناتقان ەكەن. سەبەبى، سول جەردە عانا ول ەش اسىعىسسىز جازباسىن جازۋ مۇمكىندىگىنە يە بولاتىن كورىنەدى.