سينوپتيكتەر 30-قاراشا كۇنى بولاتىن اۋا رايى بولجامىن جاريالادى
وسىعان قاراي رەسپۋبليكانىڭ باسىم بولىگىندە جاۋىن-شاشىن بولىپ، جەل كۇشەيەدى، دەپ حابارلايدى «قازگيدرومەت» ر م ك- سى.
كاسىپورىن مالىمەتتەرىنە قاراعاندا، بۇگىن ەلىمىزدىڭ سولتۇستىگىندە بۇرقاسىن بولادى، رەسپۋبليكانىڭ كەي جەرلەرىندە تۇمان ءتۇسىپ، كوكتايعاق بولۋى ىقتيمال.
جامبىل وبلىسىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن سوعادى، ەكپىنى 23-28 مەترگە جەتۋى مۇمكىن. كەي جەرلەردە ءتىپتى 30 م/س- قا دەيىن بارادى. وبلىستىڭ كەي جەرلەرىندە تۇمان ءتۇسىپ، كوكتايعاق، بۇرقاسىن بولادى.
شىعىس-قازاقستان وبلىسىندا جەلدىڭ جىلدامىعى سەكۋندىنا 15-20 مەتر بولادى، كەي جەرلەردە 23-28 مەترگە دەيىن جەتەدى. ەكپىنى 30 م/س بولادى، كەي جەرلەردە بۇرقاسىن، كوكتايعاق بولۋى ىقتيمال.
قاراعاندى وبلىسىندا جەل سەكۋندىنا 15-20 جىلدامدىقپەن سوعىپ، ەكپىنى 25 مەترگە جەتەدى. كەي جەرلەردە بۇرقاسىن بولۋى مۇمكىن.
تۇركىستان وبلىسىنىڭ ءبىرقاتار ايماقتارىندا جەل 15-20 مەتر جىلدامدىقپەن ۇيتقيدى، تاڭەرتەڭ جانە كۇندىز جەلدىڭ ەكپىنى 23-28 م/س- قا جەتۋى مۇمكىن. كەي جەرلەردە تۇمان ءتۇسىپ، كۇندىز كوكتايعاق، بۇرقاسىن بولادى.
الماتى وبلىسىنىڭ ءبىرقاتار ايماقتارىنا جەل 15-20 م/س جىلدامدىقپەن سوعادى، كۇندىز ەكپىنى 23-28 م/س- كە جەتۋى ىقتيمال. تۇندە كەي جەرلەردە تۇمان ءتۇسىپ، كۇندىز كەي جەرلەردە بۇرقاسىن، كوكتايعاق بولادى.
قوستاناي، سولتۇستىك قازاقستان وبلىستارىنىڭ كەي جەرلەرىندە جەل 15-20 م/س- قا جەتىپ، تۇمان ءتۇسىپ، جاياۋ بۇرقاسىن سوعادى.
قىزىلوردا وبلىسىنىڭ ءبىرقاتار اۋماقتارىندا جەلدىڭ جىلدامدىعى سەكۋندىنا 15-20 مەترگە جەتەدى. سونداي-اق تۇمان ءتۇسىپ، كوكتايعاق بولادى.
باتىس قازاقستان، اقتوبە وبلىستارىنىڭ كەي جەرلەرىندە تۇمان تۇسەدى.
پاۆلودار وبلىسىندا بۇرقاسىن، كەي جەرلەردە كوكتايعاق بولادى.
تۇندە ماڭعىستاۋ وبلىسىنىڭ كەي جەرلەرىندە جەل 15-20 م/س كۇشەيەدى.
وسىعان دەيىن سولتۇستىك قازاقستان وبلىسىندا دەمالىس كۇندەرى اياز بولاتىنىن حابارلاعانبىز.